Прыпынена расследаванне крымінальнай справы па факце вандалізму ў Курапатах

Источник материала:

паведаміў супрацоўнік прэс-службы УУС Мінскага аблвыканкама Сяргей Басько.

Паводле яго слоў, справа прыпынена ў сувязі з тым, што "не ўстаноўлена асоба, якая падлягае прыцягненню ў якасці абвінавачванай". Разам з тым, зазначыў Басько, аддзел дазнання УУС Мінскага райвыканкама адновіць справу пры паступленні адпаведнай інфармацыі падчас правядзення аператыўных мерапрыемстваў.

Справа распачата 8 лістапада па частцы 1 артыкула 339 Крымінальнага кодэкса (хуліганства), што прадугледжвае пакаранне ў выглядзе грамадскіх работ, або штрафу, або арышту на тэрмін да шасці месяцаў, або пазбаўлення волі на тэрмін да трох гадоў.

6 лістапада актывісты Кансерватыўна-хрысціянскай партыі — БНФ падчас традыцыйнай талакі на алеі ўздоўж паўднёва-ўсходняй мяжы Курапатаў з боку гандлёвага комплексу "Экспабел" знайшлі сляды злачынства — знішчаныя памятныя знакі, у асноўным зламаныя каля падножжа. Выкліканыя супрацоўнікі міліцыі апыталі ўсіх удзельнікаў талакі, якія лічаць, што акцыя вандалізму ўчыненая ў ноч з 4 на 5 лістапада, паколькі яшчэ 4 лістапада мемарыяльныя крыжы былі цэлыя. Варта зазначыць, што 16 кастрычніка на гэтай жа алеі Курапатаў актывістамі КХП-БНФ былі знойдзеныя знішчаныя невядомымі 33 памятныя знакі.