Zамор'е

Источник материала:

Ажанілі прынца без прынца

У мінулую пятніцу на вуліцах Лондана прайшлі прыбраныя і шчаслівыя маладыя. Народ здзіўлена ўглядаўся ў знаёмыя твары і здзіўляўся: "Быццам бы вяселле прынца Уільяма і Кейт Мідлтан прызначана на канец красавіка..." Увогуле першакрасавіцкі розыгрыш атрымаўся на славу.

Мінакоў на вуліцы, натуральна, парадавала падобнае дзейства, бо не сакрэт, што ўся Англія з заміраннем сэрца чакае доўгачаканы шлюб. Вясельны картэж спачатку праехаўся па вуліцах Лондана, а потым "маладыя" вырашылі адсвяткаваць свой "шлюб" і адправіліся есці кураціну на Лестэр-сквер. Елі, вядома ж, седзячы каля акна, на вачах у публікі і шматлікай прэсы. Падчас фальшывага вяселля нават адбыўся традыцыйны кідок букета. Даведаўшыся пра вяселле двайнікоў, на яго зляцелася прэса, пацвярджаючы, з якім нецярпеннем усе чакаюць сапраўднага вяселля сына прынцэсы Дыяны. Сапраўднае ж вяселле прынца Уільяма і Кейт Мідлтан адбудзецца 29 красавіка. Акцыя з удзелам двайнікоў была праведзена з мэтай прамоўшана новай кнігі Элісан Джэксан "Кейт і Уіл ідуць да алтара: Правільная каралеўская казка". Джэксан набыла папулярнасць у 1999 годзе, калі ў свет выйшла яе кніга з фотаздымкамі двайнікоў вядомых людзей у правакацыйных позах. У каралеўскай нявесты ёсць яшчэ адна дзяўчына-двайнік. Яе завуць Кейн Біван, і яна таксама ўдзельнічае ў прома-акцыях.

　

Вер і спадзявайся

Выратаваны японскі сабака ўз'яднаўся з гаспадаром

Сабака, якога выратавалі праз тры тыдні пасля разбуральнага землятрусу ў Японіі, вярнуўся да свайго гаспадара. Уз'яднанне сабакі і яго ўладальніка адбылося ў панядзелак, праз некалькі дзён пасля таго, як жывёлу прывезлі ў заалагічны цэнтр прэфектуры Міягі.

Паводле слоў гаспадара сабакі па мянушцы Бань, ён убачыў свайго ўлюбёнца ў тэлевізійным рэпартажы, прысвечаным выратавальнай аперацыі, разгорнутай у пацярпелых ад землятрусу і цунамі раёнах. Калі ўладальнік сабакі ўбачыў яго па тэлевізары, ён пазнаў яго і тут жа звязаўся з прадстаўнікамі ўстановы для жывёл. Сабака Бань быў выратаваны 1 красавіка, у першы дзень найбуйнейшай пошукава-выратавальнай аперацыі ў гісторыі Японіі. Жывёла была заўважана выратавальнікамі з паветра — сабака дрэйфаваў на даху разбуранай хаты. У самой хаце людзей не было. Калі сабаку знайшлі, яго адправілі на сушу, а затым перадалі ў спецустанову для жывёл. Па словах супрацоўнікаў заалагічнага цэнтра, пад іх апекай застаюцца яшчэ дзясяткі сабак і кошак, якія апынуліся без сваіх гаспадароў у выніку землятрусу. Паводле апошніх звестак, ахвярамі стыхійнага бедства ў Японіі стала больш за 12 тысяч чалавек. Без вестак прапаўшымі лічацца амаль 15,5 тысячы чалавек.

　

Арні стане... мульцяшкай

Арнольд Шварцэнегер, які доўгі час інтрыгаваў грамадскасць заявамі пра сваё хуткае вяртанне ў кіно, знайшоў сабе ролю па душы. Пасля заканчэння губернатарскага тэрміну "Жалезны Арні" вырашыў стаць супергероeм па мянушцы "Губернатар".

Пры гэтым пацверджаных роляў у поўнаметражных фільмах у легенды баявікоў няма, затое нядаўна з'явілася інфармацыя пра загадкавы міжнародны праект, у якім Шварцэнэгер павінен прыняць пасільны ўдзел. Гаворка ідзе пра мультсерыял. Праект носіць гучную назву The Governator (спалучэнне слоў "Губернатар" і "Тэрмінатар").

Kінаманы гэтай навіной злёгку шакіраваныя, бо ад Шварцэнэгера чакалі чаго заўгодна, але не мультсерыяла. Сам жа ён ад праекта ў захапленні. Сюжэт незвычайны і спалучае рэальныя факты з жыцця былога палітыка з выдуманымі падзеямі. Паводле задумкі, пасля заканчэння губернатарскага тэрміну "Жалезны Арні" вырашае прысвяціць сябе барацьбе са злачыннасцю і становіцца супергероeм па мянушцы "Губернатар". Ён ператварае свой дом у цэнтр па проціборстве злу, набірае каманду аднадумцаў, назапашвае мноства гаджэтаў, супермабіляў і ідзе знішчаць тэрарыстаў і бандытаў. Асноўным супернікам галоўнага героя становіцца таямнічая злачынная арганізацыя G.І.R.L.І.E. (Gangsters Іmposters Racketeers Lіars & Іrredeemable Ex-con — "Гангста-Нелегала-Рэкеціра-Хлусы і Непапраўныя Экс-злачынцы"). У назве арганізацыі зашыфравана гульня слоў, заснаваная на памятным выказванні Шварцэнэгера часоў яго губернатарства. Неяк ён заявіў, што моцная палова чалавецтва ва кабінетах улады цяпер стала занадта "gіrlіe" — жаноцкай, з нетрадыцыйнай арыентацыяй.

　

Бі, каб пух ляцеў!

Тысячы людзей, узброеных падушкамі, выйшлі 2 красавіка на вуліцы, каб ад душы пабіць суседа і запоўніць паветра пухам і пер'ем. Такія флэш-мобы праводзяцца ўжо некалькі гадоў у шматлікіх гарадах свету ў першую суботу другога месяца вясны. Летась баі падушкамі прайшлі ў ста пяцідзесяці гарадах.