Агракамбінат «Сноў» займае перадавыя пазіцыі ў эканоміцы Беларусі

Источник материала:

Пра гэта заявіў на ўрачыстым мерапрыемстве, прысвечаным 60-годдзю з дня заснавання агракамбіната, прэм'ер-міністр Беларусі Міхаіл Мясніковіч, перадае БЕЛТА.

Міхаіл Мясніковіч зачытаў віншавальны адрас ад Прэзідэнта Беларусі Аляксандра Лукашэнкі працоўнаму калектыву СВК. У прывітанні адзначаецца, што "Сноў" з'яўляецца адной з лепшых у рэспубліцы інтэграваных буйнатаварных гаспадарак. Яго прадукцыя карыстаецца вялікай папулярнасцю ў беларускіх пакупнікоў і далёка за межамі краіны. Гэта высокарэнтабельная арганізацыя — прыклад інавацыйнага развіцця аграпрамысловага комплексу, засваення перадавых тэхналогій і сістэмнага рашэння сацыяльных задач на вёсцы".

"Гэту знамянальную дату вы сустракаеце працоўнымі поспехамі і добрай славай. Упэўнены, што сялянская працавітасць, пачуццё адказнасці за харчовую бяспеку дзяржавы дапамогуць вам выйсці на яшчэ больш высокія рубяжы ў сельскагаспадарчай вытворчасці. Жадаю вам здароўя, шчасця, далейшых поспехаў у імя роднай Беларусі", — гаворыцца ў віншаванні Прэзідэнта. Ад сябе асабіста і ад урада Міхаіл Мясніковіч пажадаў усім, хто сабраўся, моцнага здароўя, добрага настрою і поспехаў у працы. Ён выказаў упэўненасць, што агракамбінат стане перадавіком не толькі ў рэспубліцы, але і ў Заходняй Еўропе.