Нас чакае цёплы кастрычнік

Источник материала:

Сёння надвор'е ў Беларусі пагоршыцца. На большай частцы краіны пройдуць дажджы, паведаміла рэдакцыі галоўны сіноптык Рэспубліканскага гідраметцэнтра Мінпрыроды Людміла Парашчук.

Тэмпература паветра будзе вагацца ад плюс 12 градусаў па поўначы да 22 цяпла на поўдні краіны. Дажджлівае надвор'е захаваецца і ў сераду. Тэмпература ўначы чакаецца 6—13 градусаў, удзень — 13—20 цяпла, а па паўднёвым усходзе Гомельскай і Магілёўскай абласцей — нават да плюс 21—23 градусаў.

Цёплае і сонечнае надвор'е вернецца да нас у чацвер, калі максімальная тэмпература ўдзень будзе ад 16 да 21 цяпла. Аднак у пятніцу ў заходнія рэгіёны Беларусі завітае чарговы франтальны раздзел з суседняй Польшчы. Амаль паўсюдна там будуць ісці дажджы і ў суботу. Тэмпература паветра ў пятніцу і суботу ўначы 6—13, удзень — 11—18 цяпла.

Сяргей КУРКАЧ