Як захаваць зрок? Што абраць: лінзы ці акуляры?. 21.by

Як захаваць зрок? Што абраць: лінзы ці акуляры?

13.10.2013 — Новости Общества |  
Размер текста:
A
A
A

Источник материала:


10 кастрычніка прайшоў Сусветны дзень зроку. Але пра вочы трэба клапаціцца кожны дзень, лічыць мая суразмоўца, доктар-афтальмолаг Вольга Бягун.

− Калі гаварыць пра тое, што зрок трэба берагчы з самага дзяцінства, то ўзнікае пытанне: як яшчэ цяжарнай жанчыне зберагчы зрок будучаму дзіцяці?

− Ніяк. Прырода ўсё зробіць сама. Адзіная рэкамендацыя − здаровы лад жыцця для будучай мамы.

− Ці можа мама сама зразумець, што ў дзіцяці сапсаваўся зрок?

− У любым выпадку, ад самага нараджэння да года, мама з дзіцем назіраюцца ў спецыялістаў. Калі раптам зрок і пачне псавацца, спецыяліст сам вам пра гэта скажа. На сённяшні дзень у нашай дзіцячай паліклініцы самае сучаснае абсталяванне, так што з дыягностыкай праблем не будзе. І ўвогуле, не забывайцеся пра тое, што зрок трэба правяраць раз на год і дзецям, і дарослым.

− Скажыце, як пазбегнуць ускладненняў са зрокам, якія могуць узнікнуць праз якое-небудзь захворванне?

− Калі вы хварэеце, важна выконваць усе рэкамендацыі дактароў. Прызначае вам доктар лячэнне: дзве таблеткі ў дзень цягам сямі дзён, значыць, курс трэба скончыць. А то як лечацца нашы людзі? Выпіў 1-2 таблеткі, трохі стала лягчэй, і на гэтым усё лячэнне. Ад гэтага і ўскладненні. І я яшчэ не гавару пра самалячэнне. Гэта ўвогуле недапушчальна!

Як пазбегнуць самалячэння, калі ў паліклініцы такія чэргі? Асабліва да акуліста?

− Згодна, але ў хуткім часе ў нас будуць працаваць інтэрны, маладыя спецыялісты. Мяркую, што праблема з вялікімі чэргамі хутка вырашыцца.

З якога ўзросту можна насіць кантактныя лінзы?

− Насуперак распаўсюджанай думцы, што лінзы можна насіць толькі з 18 год, я магу сказаць, што і з 12-13 год хадзіць у лінзах дапушчальна. У гэтым узросце многія падлеткі саромеюцца насіць акуляры, адмаўляюцца ад іх. А лінзы даюць магчымасць пастаянна карэктаваць зрок. Але мамам трэба гаварыць дзецям, што лінзы можа насіць толькі акуратны чалавек, які не будзе лазіць бруднымі пальцамі ў вочы.

− Дайце, калі ласка, параду, як захаваць зрок тым, хто шмат часу праводзіць за камп’ютарам?

− Па-першае, без фанатызму. Пры любой магчымасці мяняйце від працы, давайце вачам адпачыць. Шмат гуляйце. Прагулкі па свежым паветры таксама ўмацоўваюць зрок. Зараз восень, таму запасайцеся вітамінамі. У нашага арганізма ёсць цудоўная якасць назапашваць карысныя рэчы. Зімой ваш арганізм і ваш зрок скажуць вам дзякуй!

Наталля ТУР.

Фота glaza.by

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
10 кастрычніка прайшоў Сусветны дзень зроку. Але пра вочы трэба клапаціцца кожны дзень, лічыць мая суразмоўца, доктар-афтальмолаг Вольга Бягун.
 
 
 

РЕКЛАМА

Архив (Новости Общества)

РЕКЛАМА

© 2004-2020 21.by
Яндекс.Метрика