Конкурс літаратурнай творчасці студэнтаў “БрамаМар” пачаўся!

Источник материала: БДУ

Творчая лабараторыя “Крытык” (Інстытут журналістыкі БДУ, кафедра літаратурна-мастацкай крытыкі) трэці  год распачынае рэспубліканскі літаратурны конкурст для студэнтаў “БрамаМар”.

“БрамаМар” з’явілася на журфаку ў  2010-2011 навучальным годзе. Спаборніцтва задумвалася як студэнцкі праэкт  для студэнтаў. Мы лічым, што першы сезон прайшоў даволі прадуктыўна, бо ўдзельнікамі конкурсу сталі каля 160 студэнтаў з 14 беларускіх ВНУ. А ў якасці адукатараў і журы выступілі Л. Рублеўская, Г. Багданава (проза), П. Васючэнка, Я. Конеў (драматургія), І. Шаўлякова, М. Аляшкевіч (крытыка), Ю. Цімафеева, К. Маціеўская (пераклад). У 2013 годзе  БрамаМар выйграў конкурс студэнцкіх грантаў БДУ.

Задачы конкурса:

- Стварыць магчымасці творчай самарэалізацыі для студэнтаў вышэйшых навучальных устаноў краіны;

- Спрыяць фарміраванню творчага асяроддзя ў БДУ і іншых беларускіх ВНУ;

- Узбагаціць культурнае жыццё студэнцкага асяроддзя, забяспечыць плённую арганізацыю вольнага часу;

- Гарманізаваць асобу праз мастацкую камунікацыю;

- Усталяваць міжуніверсітэцкія творчыя кантакты;

- Далучыць студэнтаў да найноўшых тэхнік стварэння і прэзентацыі мастацкага тэксту падчас майстар-класаў, творчых вечарын;

- Уводзіць маладых творцаў у камунікацыйную прастору сучаснага літаратурнага працэсу праз арганізацыю супрацоўніцтва студэнтаў з літаратурна-мастацкімі выданнямі;

- Выпрацаваць эстэтычны густ і навыкі крытычнага ўспрымання мастацкіх тэкстаў (у тым ліку ўласных).

Конкурс пройдзе наступным чынам:

  У першым туры мы чакаем творы па  намінацыях:

-  Паэзія

-  Проза

-  Драматургія

-  Крытыка

-  Творы для дзяцей

-  Пераклад

-  Белетрыстыка

Пакуль журы падводзіць вынікі першага тура, ладзяцца творчыя сустрэчы, майстар-класы, літаратурная вучоба з сябрамі журы. 

Падчас другога туру фіналісты атрымаюць літаратурныя заданні бліжэй пазнаёмяцца адно з адным ды з арганізатарамі конкурсу.У другі тур праходзяць 20 фіналістаў, якія атрымліваюць адмысловае заданне.  Па выніках гэтага задання адбіраецца пераможца – “гран-пры” конкурса.  Будзем піць гарбату, смяяцца, спрачацца, вучыцца... Бо ў госці да “Брамы Мара” ізноў завітаюць з майстар-класамі самыя вяршкі беларускай інтэлігенцыі з майстар-класамі, на якіх будуць разбірацца працы кожнага фіналіста. . Фіналісты і пераможцы  рэспубліканскага літаратурнага канкурса “БамаМар-юні” атрымаюць магчымасць надрукавацца ў часопісе “Маладосць” і газеце “Літаратура і Мастацтва”. Нарэшце, фінальная імпрэза замацуе сяброўства, павесяліць ад душы,  дасць канкурсантам магчымасць пагутарыць з адукатарамі ў нефармальных умовах.  Фіналісты атрымаюць узнагароды.  Адмысловы дэвіз конкурса “БрамаМар – першы крок да мары”.

Журы конкурса сярод  студэнтаў узначальвае дырэктар рэдакцыйна-выдавецкай установы “Выдавецкі дом “Звязда” Алесь Карлюкевіч.

Нашыя інфармацыйныя спонсары: рэдакцыйна-выдавецкая установа  “Выдавецкі дом “Звязда” ( газеты “Звязда” і “Ліатаратура і Мастацтва”, часопісы “Маладосць і “Нёман”), часопіс “Вясёлка”, Інстытут журналістыкі БДУ.

Патрабаванні да афармлення  творчых прац:

Працы прадстаўляюцца на конкурс у электронным фармаце ў графічным рэдактары Wоrd. Патрабаванні да афармлення тэкстаў: гарнітура Times New Roman, кегль 14 пт, інтэрвал адзінарны, усе палі - 2 см.

Адсылаць на адрас:  bramamar2013@gmail.com з 15 кастрычніка да 15 снежня 2013 года.

На самай першай старонцы (можна зрабіць і ў асобным файле) удзельнік павінен пазначыць:

1.  Імя і прозвішча

2.  Намінацыю

3.  Навучальную ўстанову, факультэт і спецыяльнасць

4.  Узрост

5.  Назву працы (ці ўсіх прац), якія дасылаюцца на конкурс

6.  Па жаданні можна размясціць кароткую біяграфію і фота.

Да разгляду ў намінацыях прымаюцца тэксты аб’ёмам не болей за: “Проза” – 15 тыс. сімвалаў без прабелаў; “Паэзія” – 3,5 тыс. сімвалаў; “Крытыка” – 7 тыс. сімвалаў; “Драматургія” – 10 тыс. сімвалаў (дадатковая ўмова намінацыі: будуць прынятыя толькі аднаактовыя п’есы). Тэксты намінацыі “Творы для дзяцей” могуць быць прадстаўлены ў любым з азначаных жанраў; аб’ём тэксту вызначаецца жанрам і лімітуецца прыведзенымі вышэй лічбамі ( “Проза” – 15 тыс. сімвалаў, “Паэзія” – 3,5 тыс сімвалаў), “Пераклад”  - 15 тыс сімвалаў, “Белетрыстака” – 15 тыс сімвалаў.

Узор:

Максім Багдановіч

Намінацыя “Паэзія”

Пецярбургскі ўніверсітэт, філалагічны факультэт

19 гадоў

Верш: “У вёсцы”

Арганізатары студэнцкага праэкта

•  Марына Елістратава–аўтар праекта “БрамаМар–2013’14”, арганізатар конкурсных майстар-класаў, студэнтка  4 курса факультэта журналістыкі Інстытута журналістыкі БДУ.

•  Віялета Рычага – арт-мэнэджэр праекта “БрамаМар”, студэнтка 4 курса Інстытута журналістыкі БДУ.

•  Паліна Піткевіч – аўтар праекта, рэдактар студэнцкай газеты “Перья: журфак литературный” (з 2012 г.), студэнтка 3 курса факультэта журналістыкі.

•  Ганна Дусь – аўтар праекта, адказны сакратар студэнцкай газеты “Перья: журфак литературный”, удзельнік каманды па прэзентацыі газеты “Перья” на выставе “СМІ Беларусі” (2012, 2013гг.), студэнтка 3 курса факультэта журналістыкі.

•  Юлія Ваўчок – аўтар праекта, адміністратар сеціўных суполак конкурса, студэнтка 4 курса факультэта журналістыкі.

•  Вікторыя Аскера– каардынатар працы са СМІ. Працуе рэдактарам культурных праграм на тэлеканале “Беларусь 3”, студэнтка 4 курса факультэта журналістыкі.

•  Уладзімір Капцаў – куратар праекта, дацэнт кафедры літаратурна-мастацкай крытыкі Інстытута журналістыкі БДУ .

Сайт: www.culture.bsu.by

Суполка “Укантакце”, дзе можна задаць усе пытанні,: http://vk.com/bramamar

Марына Елістратава, аўтар праекта – 80293128445

e-mail marisha-elistratova@yandex.by