Дапамажыце Лізе з Турэц-Баяраў зберагчы вочка!

Источник материала:

“Звяртаюся да вас з бязмежнай надзеяй. Наша гісторыя, мабыць, падобная да сотні іншых, але, як і для кожнай мамы, для мяне гэта вялікі боль і адчай.

Мяне завуць Наталля, мне 28 год. Цяпер у дэкрэтным па доглядзе за дачкой. Мужа завуць Дзяніс, яму 29, працуе зборшчыкам пластыкавых вокнаў. Мы звычайная беларуская сям’я, у якой выхоўваем дваіх дзетак. Сыну Данілу шэсць год.

Дачцэ Лізачцы паставілі дыягназ: злаякасная пухліна сятчаткі вока.

Ад мая яна ўжо прайшла чатыры блокі хіміятэрапіі ў Бараўлянах. Практычна прайшла касавокасць, якая з’явілася з хваробай. Але пухліна застаецца актыўнай. Далей беларускія дактары прапаноўваюць толькі выдаленне вока.

Мы адмовіліся ад аперацыі і паехалі на кансультацыю ў Берлін, у клініку Westend. 16 верасня там правялі першую працэдуру лазернай тэрапіі, якая каштавала 920 еўра. Яна дала вынік. У кастрычніку была другая працэдура, у лістападзе − трэцяя. У вочку дзве пухліны, і адна з іх пачала памяншацца.

Наступная паездка ў Берлін прызначаная на 16 снежня. Кожныя тры тыдні неабходна заплаціць 620 еўра за лячэнне, пералёт, пражыванне, паслугі перакладчыка. Неабходна доўгатэрміновае лячэнне. Магчыма, цягам года ці яшчэ больш. З дапамогай лазера нямецкія дактары спадзяюцца зрабіць пухліну мёртвай (неактыўнай).

Апошняе абследаванне паказала, што пухліна перастала расці, і гэта ўжо вялікі вынік! А каб дасягнуць выздараўлення, кожныя тры тыдні мы мусім збіраць 1 000 еўра на ўсе выдаткі

Дапамажыце, калі ласка, сям’і захаваць вока малодшай дачушцы. Загадзя − вялікі дзякуй!”

Дабрачынныя рахункі адкрытыя ў філіяле №601: г. Маладзечна, вул. Прытыцкага, 13; УНП 600198997; МФО 153001769:

− рублі − транзітны рахунак №3819382105556 на дабрачынны рахунак №000018 у філіяле №601; бестэрміновы

− еўра − транзітны рахунак №3819382108407 на дабрачынны рахунак №000008 у філіяле №601, дата заканчэння дзеяння дагавора дабра­чын­нага рахунка 30.09.2014

− долары ЗША − транзітны рахунак №3819382108407 на дабрачынны рахунак №000092 у філіяле №601, дата заканчэння тэрміну дагавора дабрачыннага рахунка 30.09.2014

Прызначэнне плацяжу: Для залічэння на дабрачынны рахунак Пільсці Наталлі Іванаўны – збор сродкаў для правядзення аперацыі ў Германіі дачцэ Пільсці Лізавеце Дзянісаўне.

Адрас для паштовых пераводаў: 222316, Мінская вобл., Маладзечанскі р-н, в.Турэц-Баяры, вул.Цэнтральная, д.7, кв.56. Пільсць Наталля Іванаўна.

Аддзел інфармацыі.