Каля амбасады Расіі ў Мінску прайшла акцыя памяці Барыса Нямцова

Источник материала:

Паўтара дзясятка чалавек адгукнуліся на заклік лідэра Аб’яднанай грамадзянскай партыі Анатоля Лябедзькі прыйсці сёння а 15-й гадзіне да амбасады Расіі ў Мінску са знічкамі і кветкамі.

Фота з facebook Анатоля Лябедзькі

Большая частка ўдзельнікаў — гэта актывісты АГП.

Удзельнікі акцыі ўсклалі кветкі і запалілі знічкі ў памяць забітага Барыса Нямцова. Некаторыя ўдзельнікі акцыі хацелі запісаць словы спачування ў жалобную кнігу. Аднак высветлілася, што ў амабасадзе яе не існуе.

"Пакуль усё праходзіць без эксцэсаў, — паведаміла Свабодзе намесніца старшыні АГП Антаніна Кавалёва. — Адзінае — церпяць журналісты. Амбасада забараніла здымаць нават саму працэдуру ўскладання кветак, не тое, што дыпламатычны будынак. І міліцыянты гэта вельмі пільна адсочваюць".

Празь некаторы час да амбасады пад’ехаў аўтобус з амапаўцамі. Аднак затрыманняў яны не праводзілі. Адзін з удзельнікаў акцыі сказаў, што чуў, як хтосьці з амапаўцаў казаў па тэлефоне: "Загаду на затрыманне мы не маем".

Ва ўдзельнікаў акцыі міліцыянты перапісалі прозвішчы.

Учора актывісты ўсклалі кветкі да амбасады РФ у Мінску ў памяць забітага Барыса Нямцова, пасля чаго правялі невялікі мітынг у Курапатах. У акцыі бралі ўдзел прадстаўнікі "Эўрапейскай Беларусі", Руху салідарнасці "Разам", грамадскага аб’яднаньня "Альтэрнатыва".