Юбілейны кубак выйгралі Капцэвічы

Источник материала:

ХІV круглагадовая спартакіяда сярод арганізацый і прадпрыемстваў раёна працягнулася спаборніцтвамі па валейболе, якія прайшлі на базе Дзіцяча-юнацкай спартыўный школы. Да ўдзелу ў іх заявіліся 6 каманд: Капцэвіцкага сельвыканкама, РАНС, КСУП “Капаткевічы”, НП “Прыпяцкі”, ДЛГУ “Петрыкаўскі лясгас”, УП “Палессе-Аграінвест”.

За трэцяе месца змагаліся каманды Нацпарка і КСУП “Капаткевічы”. Пасля ўпартай барацьбы з лікам 2:1 перамогу атрымала каманда гарадскога пасёлка.

У фінале гулялі каманды Капцэвіцкага сельвыканкама і РАНС. З лікам 2:0 зборная з Капцэвічаў пяты раз стала пераможцам валейбольных спаборніцтваў.

Камандзе Капцэвіцкага сельвыканкама былі ўручаны Кубак і Дыплом І ступені. Каманды РАНС і КСУП “Капаткевічы” атрымалі дыпломы адпаведных ступеняў.

Па рашэнні суддзяў былі вызначаны лепшыя ігракі – Вікторыя Загорац (РАНС) і Аляксандр Браім (Капцэвіцкі сельвыканкам), якім уручылі прызы.

Наталля ДВОРАК,  дырэктар ФСК “Ураджай”.

Фота Арцёма ГУСЕВА.