Районная комиссия по содействию занятости населения провела очередное заседание

Ірына Мікалаеўна адзначыла, што ўжо склалася пэўная сістэма работы членаў камісіі з базай даных працаздольных грамадзян, не занятых у эканоміцы. Дзякуючы раней праведзенай рабоце ўдалося задзейнічаць у розных відах занятасці большую частку гэтых грама-дзян. І цяпер кола грамадзян, з якімі неабходна працаваць, істотна звузілася, хаця засталася самая складаная катэгорыя – тыя, хто працаваць наогул не жадаюць.

Намеснік начальніка ўпраўлення па працы, занятасці і сацыяльнай абароне райвыканкама Ларыса Жукава расказала пра арганізацыю грамадскіх аплачваемых работ, у якіх сёлета будзе задзейнічана 70 чалавек. Заключаны дагаворы на правядзенне такіх работ з 12 арганізацыямі раёна. Людзі ў асноўным занятыя на добраўпарадкаванні населеных пунктаў раёна.

Ірына Новікава адзначыла, што ўпраўленне павінна больш дакладна працаваць з  не занятымі ў эканоміцы грамадзянамі. Неабходна мець пастаянны рэзерв на выпадак замены ці павелічэння аб’ёмаў грамадскіх работ.

Пра работу па працаўладкаванні і арганізацыю занятасці і самазанятасці для незанятых у эканоміцы грамадзян у Мішневіцкім сельсавеце расказала старшыня сельвыканкама Галіна Зязюлька.

У выніку прынятых мер удалося задзейнічаць у эканоміцы каля 60 чалавек: вырошчванне сельскагаспадарчай прадукцыі, розныя віды самазанятасці і рамеснай дзейнасці, грамадскія работы. Работа вядзецца пастаянна і індывідуальна з кожным чалавекам, падкрэсліла Галіна Уладзіміраўна.

Таксама на пасяджэнні камісіі было прынята рашэнне аб аднясенні 30 грамадзян да катэгорыі занятых у эканоміцы.

У другой палове дня камісія правяла выязное пасяджэнне ў Мішневіцкім сельсавеце, дзе адбылася сустрэча з непрацуючымі мясцовымі жыхарамі, якім былі прапанаваны розныя варыянты занятасці.

Сяргей ЕРМАЛАЕЎ.

Надрукавана ў №47 ад 18.06.2019 г.