Журналисты «районки» встретились с работниками почты и подписчиками в Гродзянке

Источник материала:

Сябруюць з “АК”

Будынак пошты штодня, акрамя панядзелка, адкрыты для наведвальнікаў. Тут ім заўсёды рады. Начальнік аддзялення Алена Сергіевіч добра ведае густы кожнага вяскоўца. Хтосьці цікавіц-ца перыёдыкай, некаторыя пры-звычаіліся набываць неабходныя ў дамашняй гаспадарцы тавары, нехта атрымлівае пенсію, плаціць за камунальныя паслугі.

— Дзверы аддзялення сувязі ніколі не закрываюцца, — гаворыць Алена Іванаўна. — Людзі добра ведаюць графік работы. Запыт кожнага стараемся задаволіць. На абслугоўванні знаходзіцца больш за 3 сотні аднавяскоўцаў, з іх чалавек 15-20 — штодзённыя кліенты. А паштальён Наталля Пажыган яшчэ і дастаўкай займаецца: трэба своечасова перыёдыку занесці падпісчыкам, па неабходнасці — тавары народнага ўжытку, падпіску аформіць. Дарэчы, зараз “АК” атрымліваюць 36 землякоў, сярод іх пастаянныя чытачы Людміла Хацько, Станіслава Паркалава, сям’я Сцяпана і Браніславы Данілевічаў. А падчас дачнага сезона лічба значна павялічваецца. Пастаянна працуем з падпіскай, акцэнтуем увагу на “раёнцы”, таму што ў першую чаргу людзі жадаюць даведацца пра навіны рэгіёна. На старонках газеты друкуецца і шмат іншай карыснай інфармацыі, напрыклад, для садаводаў-агароднікаў, даюцца карысныя парады па вядзенні гаспадаркі. Безумоўна, хочацца, каб падпісчыкаў на “АК” і іншыя сродкі масавай інфармацыі было больш. І ў гэтым кірунку актыўна працуем.