Главная
Гороскопы
Напярэдадні прафесійнага свята дэпутат Палаты прадстаўнікоў Нацыянальнага сходу Рэспублікі Беларусь Аляксандр Сонгін павіншаваў галоўнага ўрача УАЗ «Карэліцкая цэнтральная раённая бальніца» Алену Майсак і яе калектыў з Днём медыцынскіх работнікаў.
– У Вашай асобе мне хочацца павіншаваць не толькі медработнікаў Карэліцкага раёна, але і ўсіх тых, хто мае дачыненне да гэтага свята. Сёлета дата носіць асаблівы характар, таму важнасць вашай працы ва ўсім свеце ўзрастае ў разы. Свае пажаданні дасылае і член Савета Рэспублікі Нацыянальнага сходу Рэспублікі Беларусь Эльвіра Сарока, якая сёння віншуе вашых калег у Навагрудку.
Вы, медыкі, заўжды ў эпіцэнтры падзей. Вы штодня знаходзіцеся ў зоне рызыкі, але, нягледзячы на гэта, самааддана працуеце і ратуеце чужыя жыцці. Таму мне вельмі хацелася б, каб кожны разумеў, якую трэба мець мужнасць, вытрымку і сілу волі, каб штораніцы прачынацца і ісці на перадавую…
Я ад усёй душы жадаю кожнаму з вас здароўя, цярпення і веры ў лепшае. Вы – прадстаўнікі той прафесіі, якая заўжды была і будзе ў прыярытэце, таму шчыры дзякуй вам, паважаныя медыкі, за такую цяжкую, але, безумоўна, неабходную працу.
Вікторыя КАСЦЮК
Фота аўтара