Пра надвор'е

Источник материала:

Сёння надвор'е на тэрыторыі Беларусі вызначала зона павышанага атмасфернага ціску. У асобных раёнах Брэсцкай вобласці максімальная тэмпература паветра дасягала плюс 30 градусаў. Заўтра магнітных бур на тэрыторыі нашай краіны не прагназуецца. Геамагнітны фон  ад узбуранага да слабаўзбуранага ноччу і вечарам да спакойнага на працягу дня. 

23 жніўня ў народным календары Лаўрэн. Свята млынароў. Таму ўсе прыкметы на гэты дзень так ці інакш звязаны з асноўнымі прыроднымі з’явамі, ад якіх з даўніх часоў залежала праца млынароў - гэта вецер і вада. Прыкмячалі, калі хвалюецца вада, то восень павінна быць ціхай і лагоднай, а зіма  мяккай. Калі моцная спякота ці дажджы ў гэты дзень - так можа працягвацца доўгі час, магчыма, нават усю восень.