Малафееў шмат даў камандзе ў духоўным плане, чытаў вершы, байкі, цытаваў філосафаў

Источник материала:

«Дынама» (Санкт-Пецярбург), якое трэніруе беларускі спецыяліст Эдуард Васільевіч Малафееў, заняло першае месца ў дывізіёне «Захад» другой лігі і выйшла ў першую лігу чэмпіянату Расіі.

Вось што распавёў капітан каманды Дзмітры Давыдаў:

«Эдуард Васільевіч Малафееў шмат даў камандзе ў духоўным плане. Чытаў вершы, байкі, цытаваў філосафаў. Тлумачыў: «Калі ты будзеш сумленным чалавекам, то і футбалістам стане добрым». Здараліся нават такія ўстаноўкі: Малафееў прачытаў верш, назваў склад – і ў бой! І каманда перамагала!»

Пры гэтым Малафееву было прапанавана працягнуць супрацоўніцтва, але адказу ён не даў.

Эдуард Васільевіч кажа: «Хутчэй за ўсё, у Пецярбургу не застануся на наступны сезон. Я мяне вялікія праблемы ў сям’і. Жонка хварэе,

дый я сам ужо не малады для шматлікіх пераездаў. Буду думаць далей», паведамляе Прессбол са спасылкай на sportsdaily.ru

Нагадаем, што гэта не першы поспех беларускага трэнера ў гэтым сезоне ў Расіі. Ігар Крывушэнка вывеў «Сібір» (Новасібірск) у расійскую прэм’ер-лігу. У першынстве першага дывізіёна клуб занў 2-е месца.