Саначнік Кумарыташвілі казаў бацьку пра небяспеку алімпійскай трасы

Источник материала:

Давід Кумарыташвілі, бацька загінулага ў пятніцу на трэніроўцы ў Уістлеры саначніка Надара Кумарыташвілі, расказаў у тэлефонным інтэрв’ю AP, што незадоўга да трагедыі яго сын выказваў сумненні наконт бяспекі алімпійскай трасы. «Сын патэлефанаваў мне і сказаў, што траса вельмі небяспечная», — сказаў Кумарыташвілі.

Нагадаем, што спецыяльная камісія, якая расследавала прычыны смерці спартсмена, прыйшла да высновы, што яна стала вынікам памылкі грузінскага саначніка, а не дэфектаў трасы. Між тым у Грузіі заключэнне камісіі выклікала сумненні. Так, прэзідэнт краіны Міхаіл Саакашвілі заявіў, што не разумее, чаму памылка ў праходжанні трасы павінна прыводзіць да смерці спартсмена.