Мiнi-футбол — максi-задавальненне

Больш за 300 чалавек прымуць удзел у фестывалі здаровага ладу жыцця на возеры Казара каля Гомеля.

У «Навабеліцкім Алімпе-2013», які пройдзе 12—14 ліпеня, будуць спаборнічаць каманды працоўных калектываў абласнога цэнтра.

У праграме — міні-футбол, стральба з пнеўматычнай вінтоўкі, распілоўка бервяна, пераадольванне паласы перашкод і многае іншае. Пройдуць конкурсы на лепшую турыстычную страву, палатачны лагер, турыстычную песню.

Па выніках мерапрыемства ў кожнай намінацыі будуць выбраны каманды-пераможцы. Абсалютнага пераможцу ўзнагародзяць кубкам, дыпломам і каштоўным прызам.

Арганізатары фестывалю здаровага ладу жыцця — адміністрацыя Навабеліцкага раёна горада, раённыя арганізацыі БРСМ.