Гуркоў выставіў шалік на аўкцыён, каб сабраць грошы на першы беларускі помнік Касцюшку

Источник материала:

Ужо амаль месяц мінуў з моманту, калі беларускі журналіст і паэт Глеб Лабадзенка абвясціў пра збор сродкаў на скульптуру Тадэвушу Касцюшку ў Мерачоўшчыне, дзе нарадзіўся нацыянальны герой Беларусі, Польшчы і ЗША. На дадзены момант назьбірана больш за 16 210 рублёў — гэта 92% ад патрэбнай сумы (17 500 рублёў). Да завяршэння збору сродкаў застаўся ўсяго адзін дзень.

Каб падтрымаць кампанію, тайбаксёр Віталь Гуркоў, які некалькі дзён стаў чэмпiёнам свету па версii Kunlun Fight, выставіў на аўкцыён свой шалік з Пагоняй і Калюмнамі ды надпісам Belarus.

Умовы простыя: хто ахвяруе найбольшую суму на скульптуру Касцюшку, атрымае шалік у падарунак.