…А наперадзе гульні з лідарамі

29.10.2018 — Новости Спорта |

Размер текста:: A; A; A

Источник материала:

З лікам 1:1 завяршыўся матч 28-га тура першынства Беларусі па футболе сярод каманд другой лігі паміж ФК “Узда” і ФК “Івацэвічы”. Наша каманда дзеліць 5-6 радок у табліцы першынства з ФК “Асіповічы”, абедзве каманды набралі па 39 ачкоў.

Але турнірны расклад не на карысць ФК “Івацэвічы”: засталося правесці дзве гульні з двума лідарамі – 3 лістапада на дамашняй арэне з ФК “Рух” з Брэста (у першым крузе наша каманда прайграла ім з лікам 0:7) і 10 лістапада на выездзе з ФК “Крумкачы” (у першым крузе прай-

гралі ім дома з лікам 0:4). Дарэчы, і “Рух”, і “Крумкачы” забяспечылі сабе выхад у першую лігу. Будзем спадзявацца, што адсутнасць турнірнай матывацыі дае нашай камандзе шанс, каб захаваць пяты радок у турнірнай табліцы, хаця, паўтаруся, дабіцца гэтага будзе вельмі цяжка: каляндар у асноўных канкурэнтаў больш лёгкі.