Парламент Малдовы звольніў галоўнага суддзю краіны за крытыку СМІ

Источник материала:

Парламент Малдовы адправіў у адстаўку старшыню Найвышэйшай судовай палаты Ёна Муруяну, які зрабіў рэзкія выказванні наконт журналістаў.

Выступаючы ў лютым на агульным сходзе суддзяў, галоўны суддзя краіны адзначыў «д’ябальскую і дэструктыўную ролю» прадстаўнікоў прэсы, якія «часам ператвараюцца ў шалёных сабак,

небяспечных для грамадства з‑за той хлусні, якую яны распаўсюджваюць».

Кіраўнікі шэрагу вядучых СМІ Малдовы расцанілі ягоныя словы як атаку на свабоду слова і запатрабавалі ад уладаў яго адстаўкі.

У яго абарону выступіў былы прэзідэнт, лідэр апазіцыйнай партыі камуністаў Уладзімір Варонін, які падкрэсліў, што «Муруяну — самы сумленны і справядлівы суддзя, якога трэба яшчэ пашукаць». Фракцыя камуністаў пакінула залу пасяджэнняў, адмовіўшыся ўдзельнічаць у галасаванні за адстаўку Муруяну. У знак пратэсту камуністы накіравалі зварот на адрас міжнародных арганізацый, у якім гаворыцца, што дзеянні ўладаў «падрываюць незалежнасць і бесстароннасць судовай сістэмы, супярэчаць Еўрапейскай канвенцыі па абароне правоў і асноўных свабод чалавека».