Сектаральная СРА — Расія абараняе НАТО, НАТО абараняе Расію

Источник материала:

Вялікі рэзананс атрымала расійская ініцыятыва аб стварэнні разам з НАТО так званай сектаральнай сістэмы СРА, сутнасць якой зводзіцца да таго, каб «прыкрываць» адно аднаго ў рамках адказнасці свайго сектара.

Да лісабонскай сустрэчы пра яе ў прэсу не прасачылася ні слова, на выніковай прэс-канферэнцыі Дзмітрый Мядзведзеў толькі згадаў пра гэтую прапанову, не раскрыўшы яе зместу. А вось на закрытай сустрэчы з лідарамі краін — чальцоў НАТО Мядзведзеў абвясціў пра гатоўнасць Расіі закрыць свой сектар, забяспечыўшы бяспеку еўрапейскіх краін са свайго напрамку.

«Ініцыятыву Мядзведзева каротка можна выкласці так:

Масква гатовая збіць любую даўбешку, якая паляціць у напрамку Еўропы праз нашу тэрыторыю або наш сектар адказнасці. Гэта значыць літаральна абараняць краіны, размешчаныя захад ад Расіі,

 — расказаў „Коммерсанту“ высокапастаўлены расійскі дыпламат. — Гэтаксама НАТО мусіць узяць на сябе аналагічныя абавязальніцтвы па сваім сектары або сектарах, якія будуць прыкрываць краіны альянсу: калі нехта надумае ўдарыць па нас праз Еўропу — усё, што паляціць, павінна быць збіта амерыканцамі або натаўцамі».

Актуальнасць гэтай прапановы ў расійскім кіраўніцтве тлумачаць тым, што цяпер ні НАТО, ні Расея не гатовыя дапускаць да сваіх сістэмах СРА і СПА старонніх. «Іншая справа, калі ўвесь інструментарый — сэнсары, радары, ракеты-перахопнікі — будуць арыентаваныя на вонкавую прастору і не будуць размяшчацца на лініі размежавання РФ і альянсу. Калі гэта адбудзецца, у нас з’явіцца упэўненасць у тым, што еўрапейская СРА не замахваецца на сектар дзеяння расійскіх стратэгічных ядзерных сіл», — кажуць у расійскім МЗС.

Гэты варыянт, паводле дадзеных «Коммерсанта», прапанавалі ў Мінабароны, і як сказаў кіраўнік МЗС Сяргей Лаўроў, лідары краін альянсу выказалі гатоўнасць яго абмяркоўваць.

«Рэакцыя была пазітыўнай, а большага мы і не чакалі. Захопленай яна быць не магла, але і негатыву не было. Так што глеба для працы створаная», — сказаў памочнік прэзідэнта РФ Сяргей Прыходзька.