Жанчынам Валожыншчыны
07.03.2018
—
Новости Культуры
|
Беларускі саюз жанчын – самая масавая жаночая арганізацыя ў Беларусі, якая аб’ядноўвае тых, хто зацікаўлены змяніць жыццё вакол сябе да лепшага. У Валожынскім раёне зарэгістравана 21 пярвічная арганізацыя, дзе налічваецца 314 жанчын. Іх дзейнасць цесна пераплятаецца з работай устаноў, арганізацый, прадпрыемстваў і іншых грамадскіх аб’яднанняў. На працягу года члены Саюза жанчын прымалі ўдзел у разнастайных дабрачынных акцыях, мерапрыемствах, прымеркаваных да Дня сям’і, Дня маці, Дня абароны дзяцей, 8 Сакавіка, прафесійных свят, ушаноўвалі ветэранаў і моладзь. Раённая арганізацыя выступала спонсарам пры правядзенні фестывалю творчасці дзяцей-інвалідаў і маладых інвалідаў «Асаблівы сусвет», конкурсаў дзіцячага малюнка і “Міс-Валожын”. Яе прадстаўнікі з’яўляюцца актыўнымі ўдзельнікамі выбарчых кампаній падчас іх правядзення. Валожынскі край багаты разумнымі, таленавітымі, прыгожымі і неабыякавымі жанчынамі, якія праслаўляюць яго ў розных сферах дзейнасці. Лепшыя прымаюць удзел у конкурсе “Жанчына года”. Гэтага звання на рэспубліканскім узроўні ўжо былі ўдастоены нашы зямлячкі Лізавета Станіславаўна Пятроўская, Валянціна Францаўна Гіруць-Русакевіч, Алена Сігізмундаўна Петрашкевіч. У кожнай жанчыны павінны быць магчымасці для рэалізацыі сваіх здольнасцей, дасягнення пастаўленых мэт. Хочаца ўспомніць, што каля вытокаў стварэння жаночага руху ў раёне стаяла Р. А. Пальчэўская, пасля ўзначальвалі арганізацыю А. А. Макарэвіч, В. Ф. Гіруць-Русакевіч, М. А. Іода, З. М. Дубіна. Цяпер старшынёй з’яўляецца Г. Ф. Рай. Яна падзялілася, што напярэдадні свята 8 Сакавіка будуць ушанаваны жанчыны, якія ўнеслі значны ўклад у развіццё Мінскай вобласці. На бліжэйшае будучае плануецца правядзенне сумесна з Валожынскай раённай бальніцай лекцыі “Здароўе жанчыны – здароўе нацыі”, яна павінна быць змястоўнай і цікавай. Да свята 8 Сакавіка Галіна Фадзееўна ад імя раённай арганізацыі дасылае жанчынам Валожыншчыны самыя шчырыя і сардэчныя віншаванні. Словы падзякі выказвае працаўніцам розных сфер дзейнасці. З асаблівай павагай звяртаецца да жанчын-маці, у першую чаргу шматдзетных. Яна жадае ўсім радасці, шчасця, дабрабыту, ажыццяўлення планаў і надзей, прафесійных поспехаў. Анжэла РАДЫНА Чтобы разместить новость на сайте или в блоге скопируйте код:
На вашем ресурсе это будет выглядеть так
Беларускі саюз жанчын – самая масавая жаночая арганізацыя ў Беларусі, якая аб’ядноўвае тых, хто зацікаўлены змяніць жыццё вакол сябе да лепшага. У Валожынскім...
|
|