Там, дзе нараджаецца свята. 21.by

Там, дзе нараджаецца свята

Размер текста:
A
A
A

Калі размова заходзіць пра работнікаў культуры, адразу ўсплываюць яркія і вясёлыя мерапрыемствы. І здаецца, што ў прадстаўнікоў гэтай прафесіі не работа, а суцэльнае свята. Але за гэтым усім стаіць вялікая праца. Колькі часу ідзе на пошук матэрыялу, падбор рэпертуару, колькі рэпетыцый… І калі ўсё праходзіць цікава, захапляльна, тады здзіўляешся выдумцы гэтых людзей, іх невычэрпнай энергіі.

Там, дзе нараджаецца свята

Сваёй адданасцю любімай справе, майстэрствам і творчасцю вылучаецца і ўносіць значны ўклад у развіццё культуры горада і раёна калектыў Столінскага гарадскога дома культуры, які па выніках работы за мінулы год занесены на раённую Дошку гонару. Калектыў не першы раз заслугоўвае такога гонару. З году ў год работнікі дабіваюцца новых вышынь у творчасці.
З 2001 года ўстнову ўзначальвае Кацярына Канстанцінаўна Сакалова, якая з’яўляецца каардынатарам і генератарам творчай дзейнасці калектыву. З цеплынёй і любоўю яна расказвае пра мастацкія дасягненні, а найбольш пра людзей, чый талент і майстэрства прыносіць поспех. Асаблівыя словы павагі і ўдзячнасці кіраўнікам двух заслужаных аматарскіх калектываў Рэспублікі Беларусь – народнага хору “Крыніца” Алене Канстанцінаўне Аўсянік і ансамбля народнай музыкі “Выцінанка” Пятру Астапчуку. Дарэчы, у гэтыя дні “Выцінанка” прымае ўдзел у культурнай праграме V Форуму рэгіёнаў Беларусі і Расіі, які праходзіць у г. Магілёве.
“Выцінанку” нельга ўявіць без канцэрт-майстра Васіля Мікалаевіча Цярлецкага – віртуоза-трубача і флейтыста, а “Крыніцу” – без акампаніятара Мікалая Мікалаевіча Вайцяхоўскага. Як члена калектыву сустракаюць тут Алену Дубойскую – дырэктара клубнай сістэмы, салістку вядучых калектываў, пры непасрэдным удзеле якой прахо-дзяць усе арганізаваныя Домам культуры мерапрыемствы.
Кіраўнікі народных калектываў – ансамбля танца “Рэха” і ўзорнага асамбля танца “Карагод” — Алена Волкава і Таццяна Старасціна з дзяцінства ўдзельнічалі ў гэтых калектывах, а сёння паспяхова працягваюць работу па навучанні мастацтву танца. Іх харэаграфічныя ансамблі – самыя масавыя ў Доме культуры. Толькі каля 100 дзяцей займаюцца ў падрыхтоўчых групах ансамбляў “Рэха”, які ў лістападзе адзначыць 35-годдзе святочным канцэртам, і “Карагод”.
Народным хорам ветэранаў вайны і працы “Факел” кіруе Адам Пазяйчук – былы акампаніятар хору, выкладчык па класу баяна Рэчыцкай дзіцячай школы мастацтваў. Ён прыняў эстафету ад Д. Ц. Бажко і працягвае творчую работу па згуртаванні песеннага калектыву.
Добрую школу рэжысуры ў Валянціна Аляксандравіча Іўковіча прайшлі Дзмітрый Цярлецкі і Галіна Цярлецкая – удзельнікі народнага драматычнага тэатра “Вестники”, кіраўніком якога з’яўляецца Іна Філановіч. Доўгі час Іна Уладзіміраўна была ўдзельніцай і вядучай актрысай тэатра, а сёння яна – рэжысёр, іграе ў п’есах, з’яўляецца вядучай святочных мерапрыемстваў ў горадзе і раёне.
У ГДК – стабільны творчы склад спецыялістаў. Больш за 25 гадоў працуе ў культуры намеснік дырэктара Сень Валянціна Міхайлаўна. Акрамя таго яна актыўная ўдзельніца аматарскай творчасці – спявае ў хоры “Крыніца” і ансамблі “Выцінанка”, выступае на сцэне з сольнымі нумарамі, іграе ў тэатры.
Толькі два гады працуе мастацкім кіраўніком Наталля Пашкевіч, а ўжо змагла заваяваць аўтарытэт і прызнанне як творчы спецыяліст. Наталля – салістка вядучых калектываў і эстрадная выканаўца канцэртных нумароў.
Без удзелу работнікаў ГДК не праходзіць ні адно мерапрыемства ў горадзе і раёне, падчас якіх задзейнічаны не толькі творчыя калектывы. Гэта і нябачная для гледача закулісная работа, якую выконваюць загадчыца касцюмернай Ала Леанідаўна Кірдзей, мастак-афарміцель Мікалай Міхайлавіч Ашуркевіч і ўвесь тэхнічны персанал.
У галіне культуры не працуюць выпадковыя людзі, бо не кожны зможа выходзіць на работу ў святочныя дні, вечарамі і ў свае выхадныя дні. Таму застаюцца захопленыя сваёй прафесіяй, працуюць па прызванні і натхненні. І хаця Віталь Анатольевіч Калавур працуе інжынерам па абслугоўванні гукаўзмацняльнай апаратуры, ён і вядучы акцёр тэатра “Вестники” і Клуба эстрадных мініяцюр.
Напярэдадні прафесійнага свята Кацярына Сакалова згадала імёны ветэранаў, якія знаходзяцца на заслужаным адпачынку. Гэта Мікалай Міхайлавіч Дубінін – былы дырэктар, стваральнік ансамбляў танца “Рэха” і “Карагод”, Дзіна Ціханаўна Бажко, якая ўсю сваю працоўную дзейнасць прысвяціла культуры, арганізатар хору ветэранаў; Валянцін Аляксандравіч Іўковіч – рэжысёр масавых святаў у горадзе і раёне, майстар сваёй справы, стваральнік агітбрыгады “Вестники”; Вольга Мікалаеўна Круглік, якая больш за 30 гадоў з’яўлялася захавальніцай касцюмаў, швачкай і мадэльерам для творчых калектываў…
Словы ўдзячнасці прагучалі і на адрас Аксаны Гембіцкай, якая прымае непасрэдны ўдзел у жыцці Столінскага ГДК, Івана Шаламіцкага, Анжалікі Калавур, Святланы Бажко, Руслана Храпіцкага, Аляксандра Юрчука, Сяргея Кудласевіча, Варвары Белавус, Васіля Яхнаўца, Міхаіла Шыкунца, якія заўсёды адгукаюцца на просьбы выступіць у канцэрце.
– Усіх работнікаў культуры раёна віншую з прафесійным святам, зычу, каб іх установы збіралі поўныя залы добразычлівых гледачоў, і асабістага шчасця, — пажадала дырэктар Столінскага ГДК Кацярына Сакалова.
Галіна ГАШЧУК
Фота аўтара

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Калі размова заходзіць пра работнікаў культуры, адразу ўсплываюць яркія і вясёлыя мерапрыемствы. І здаецца, што ў прадстаўнікоў гэтай прафесіі не
 
 
 


Архив (Новости Культуры)

21.by в социальных сетях

Свежие газеты

18.01.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Лепельский край
Міёрскія навіны
Новости Новолукомля
Голас Сененшчыны
Патриот (Ушачи)
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
19.01.2019
Mir24.TV Belarus
Полесская правда
Новости Докшицы
Чырвоны прамень
Газета Авангард
Новости Волковыска
Вороновская газета
Заря над Неманам
Светлы шлях
Нясвижскiя навiны
Soligorsk News
Горецкий вестник

© 2004-2018 21.by
Яндекс.Метрика