Пакараючы глыбіні шахт і вышыні кар’еры
06.03.2018
—
Разное
|
ФОРМА міліцыянера з зоркамі на пагонах стала першым аргументам для Яўгена Якімца пры выбары прафесіі. Дзесьці ў класе дзявятым ён стаў сур’ёзна задумвацца пра кар’еру ў органах унутраных спраў. Хлопцу хацелася быць падобным на Уладзіміра Пятрушкіна, інспектара інспекцыі па справах непаўналетніх, які перыядычна наведваўся да іх у школу, праводзіў гутаркі, выступаў на лінейках. Высокі, падцягнуты, акуратны і строгі — яго і паважалі, і пабойваліся адначасова. Але адразу пасля школы паступіць у Акадэмію МУС Рэспублікі Беларусь Яўген не рашыўся — “кульгала” матэматыка. Таму пайшоў у Белдзяржуніверсітэт на факультэт кіравання сацыяльных тэхналогій на спецыяльнасць “сацыяльная рэабілітацыя і псіхалогія”. І першую практыку на другім курсе праходзіў у Кастрычніцкім РАУС сталіцы. — Праводзіў з непаўналетнімі правапарушальнікамі псіхалагічныя трэнінгі, выкарыстоўваючы розныя методыкі, — расказвае маёр міліцыі Яўген Якімец. — Потым нават курсавую па гэтай тэме пісаў. — У РАУС на практыку трапіў выпадкова? — Не зусім. Нам прапаноўвалі і навучальныя ўстановы, і цэнтры сацыяльнага абслугоўвання насельніцтва, яшчэ шмат чаго. Зразумела, убачыўшы варыянт “аддзел унутраных спраў”, не мог зрабіць іншага выбару. Юнацкая мара вабіла! — Факт таго, што зараз вы міліцыянер, дае падставу меркаваць, што практыка была ўдалай? — Так. Мне падабалася. І наступныя практыкі праходзіў у міліцыі. З дыпломам маладога спецыяліста Яўген уладкаваўся на пасаду ўчастковага інспектара міліцыі ў Мядзельскі РАУС. Праўда, адразу давялося прайсці трохмесячнае навучанне ў вучэбным цэнтры пры Акадэміі МУС Рэспублікі Беларусь. — Накіравалі на ўчастак у курортны пасёлак. Займаўся не толькі з юнымі правапарушальнікамі, але і з іх бацькамі, іншымі дарослымі грамадзянамі. Працаваць было цікава, настаўнікі трапіліся добрыя. — Давайце адгадаю аднаго з іх! Уладзімір Пятрушкін? — Сапраўды, так! — А ён ведае, што вы на яго раўняліся ў свой час? — Напэўна, не. — Няхай гэта будзе для яго сюрпрызам. Як складвалася ваша далейшая кар’ера ў праваахоўных органах? — Дзесьці праз год прапанавалі перайсці ў Мядзел займацца грамадзянамі, якія стаяць на прафілактычным уліку: п’яніцамі, скандалістамі, абавязанымі асобамі і так далей. А ўжо ў 2015 годзе ўзначаліў аддзяленне аховы правапарадку і прафілактыкі, у якім працаваў. За гэты час завочна закончыў Акадэмію МУС. — Які выпадак лічыце сваім баявым хрышчэннем? — У памяці гісторыя, якая здарылася праз пару месяцаў працы ў Нарачы. Паступіў сігнал з аграгарадка, што ў дом праніклі чужыя. З інспектарам інспекцыі па справах непаўналетніх выехалі і непадалёку ад указанага дома затрымалі дваіх юных правапарушальнікаў з крадзенымі рэчамі. Было шкада хлопцаў, меншы плакаў. Мне незразумелыя іх мэты і зараз, бо ўкралі бялізну, яшчэ нешта. Што збіраліся з гэтым рабіць? На што разлічвалі? Памятаю і адзін з першых сумесных з ДАІ рэйдаў, калі даганялі на аўтамабілі з уключанымі мігалкамі матацыкліста-бяспраўніка. — Дагналі? — Канечне! Час прад’яўляе больш жорсткія патрабаванні да людзей у пагонах міліцыянераў. Гэта прымушае няспынна працаваць над сабой, развівацца, не расслабляцца, быць моцным як фізічна, так і маральна. Яўген стараецца адпавядаць сучасным запытам. Пра тое, што гэта ў яго атрымліваецца, сведчаць узнагароды, якія ён захоўвае ў службовым кабінеце: грамата і падзяка ўпраўлення ўнутраных спраў Мінаблвыканкама, падзяка старшыні райвыканкама. — А што за сертыфікат на сцяне? — Была справа: спускаўся на 600-метровую глыбіню калійнай шахты ў Салігорску. У памяць пра гэта выдалі дакумент, як “папоўніўшаму слаўную гвардыю шахцёраў”. — Дык, калі што, то — у шахцёры? — Спадзяюся, не давядзецца, — усміхаецца Яўген. — Ну і напаследак. Чаму прысвячаеце вольны час? — Сям’і. З жонкай выхоўваем сямігадовую дачку Ангеліну і аднагадовага сына Арсенія. Гэта мой надзейны тыл.
Іна ЯРЧАК. Чтобы разместить новость на сайте или в блоге скопируйте код:
На вашем ресурсе это будет выглядеть так
ФОРМА міліцыянера з зоркамі на пагонах стала першым аргументам для Яўгена Якімца пры выбары прафесіі. Дзесьці ў класе дзявятым ён стаў сур’ёзна задумвацца пра...
|
|