Даследчык чатырох культур. 21.by

Даследчык чатырох культур

01.04.2010 — Новости Общества |  
Размер текста:
A
A
A
Даследчык чатырох культурПрафесар Базыль Белаказовіч быў добрым, працавітым суседам. Нядаўна з Варшавы прыйшла вестка, што яго не стала...
Ёсць за рубяжом навукоўцы, якія засяроджваюцца на вывучэнні беларускай культуры, а таму слушна называюцца беларусістамі. Ёсць адпаведна і паланісты, русісты і славісты. А вось калі хто яшчэ і літоўскую культуру даследуе? Літоўцы ж — не славяне…
Гэтае пытанне я задаў прафесару Белаказовічу, калі мы апошні раз сустрэліся з ім — на гэты раз у Варшаве, ва ўтульнай беларускай кнігарні, якую самааддана і творча вёў беларус з Беласточчыны Ян Заброцкі. Мы якраз рыхтавалі тады артыкул пра пана Базыля для энцыклапедычнага даведніка, і важна было ведаць думку героя аднаго з яго артыкулаў. А ён разгубіўся:
— Сапраўды не ведаю, як мяне сцісла называць. Можа, даследчык культур чатырох суседніх народаў? Добрасуседства — гэта важна. Літву ж я дадаў, таму што наша Беласточчына ўваходзіла калісьці ў склад агульнага Вялікага Княства Літоўскага.
Кім быў Базыль Белаказовіч па пашпарце, сказаць не магу: палякам? беларусам? Ды гэта і не так важна. Куды важней, што ён быў нашым добрым, актыўным суседам — спачатку выкладаючы ў Варшаўскім універсітэце, потым працуючы ў Інстытуце славяназнаўства Польскай акадэміі навук, складаючы і курыруючы планы беларуска-польскага супрацоўніцтва ў галіне філалогіі, падключаючы да яго расійскіх і літоўскіх навукоўцаў. Урэшце, выкладаючы беларусіку ў маладых універсітэтах Ольштына і Беластока. Усё ішло нібыта па кругу, да жыццёвых вытокаў.
Прафесар Белаказовіч нарадзіўся ў вёсцы Відава Беластоцкага, а цяпер Падляскага ваяводства 2 студзеня 1932 года. Гены ў яго былі, як ён любіў жартаваць, напалову беларускія, а на другую палову — польскія. Шлях жа ў навуку пачынаў у Расіі: у 1956 годзе скончыў філалагічны факультэт Ленінградскага ўніверсітэта, а праз год там жа — гістарычны. А праз няпоўных дзесяць гадоў стаў ужо ганаровым доктарам таго ж універсітэта. Падставы для гэтага дала манаграфія “З гісторыі польска-рускіх літаратурных сувязяў ХІХ стагоддзя” (1971). А неўзабаве на яго ўсклалі грамадскія абавязкі віцэ-прэзідэнта Асацыяцыі выкладчыкаў рускай мовы і літаратуры ў Польшчы.
Істотныя карэктывы ў навуковыя планы пана Базыля ўнеслі каардынацыйныя паездкі ў Беларусь, удзел у мінскіх навуковых канферэнцыях і кангрэсах, знаёмствы з Вячаславам Рагойшам, Алегам Лойкам і іншымі ўніверсітэцкімі прафесарамі. У выніку гэтага з’явілася смелая манаграфія “Мар’ян Здзяхоўскі і Леў Талстой” (1995), дзе ўладальнік Ракава выступае як роўны рускаму класіку. Пішуцца артыкулы пра беларускую літаратуру ХІХ стагоддзя, творчыя сувязі беларускіх і польскіх пісьменнікаў. Зрэшты, там, дзе не ставала такіх сувязей, ён іх арганізоўваў сам.

Адам Мальдзіс

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Прафесар Базыль Белаказовіч быў добрым, працавітым суседам. Нядаўна з Варшавы прыйшла вестка, што яго не стала...
 
 
 


Архив (Новости Общества)

21.by в социальных сетях

Свежие газеты

18.01.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Лепельский край
Міёрскія навіны
Новости Новолукомля
Голас Сененшчыны
Патриот (Ушачи)
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
19.01.2019
Mir24.TV Belarus
Полесская правда
Новости Докшицы
Чырвоны прамень
Газета Авангард
Новости Волковыска
Вороновская газета
Заря над Неманам
Светлы шлях
Нясвижскiя навiны
Soligorsk News
Горецкий вестник

© 2004-2018 21.by
Яндекс.Метрика