ЗАПРАШАЕ “БЯРЭЗІНСКАЯ ЛЫЖНЯ-2018”

Источник материала:

24 лютага ў в. Жорнаўка на базе турыстычнага цэнтра “Юнацтва” пройдзе спартакіяда сярод калектываў фізічнай культуры раёна ў рамках зімовага спартыўнага свята “Бярэзінская лыжня-2018”. У праграму ўваходзяць камандная эстафета, а таксама масавы старт усіх жадаючых па дзвюх узроставых катэгорыях – да 40 год і старэй 40 гадоў.

Каманда-пераможца спаборніцтва вызначаецца па выніках праходжання эстафеты, пераможцы ў масавым старце – па найменшым часе праходжання дыстанцыі.

 Пераможцы і прызёры будуць адзначаны кубкамі, медалямі і дыпломамі.

Прыбыццё ўдзельнікаў лыжні назначана на 9 гадзін 30 мінут, пачатак спаборніцтваў – у 11 гадзін. Падтрымайце свае каманды і самі выходзьце на старт. Колькасць удзельнікаў спаборніцтваў не абмежаваная.

Прыемнага адпачынку на свежым паветры і вялікага зараду бадзёрасці!