Кошт iмяннога чэка «Маёмасць» павялiчаны на 300 рублёў

Источник материала:

Дзякуючы фiнансавай падтрымцы Урада Расiйскай Федэрацыi 13 юных вiцяблян з сем’яў бацькоў — рускiх па нацыянальнасцi атрымалi магчымасць адпачыць у летнiм мiжнародным лагеры «Зорны», што ў Невелi Пскоўскай вобласцi. Такiм чынам урад Расii дапамагае сваiм суайчыннiкам альбо актывiстам рускiх культурна-асветнiцкiх аб’яднанняў краiн былога СССР. У Вiцебску зараз колькасць рускiх складае каля 20 працэнтаў ад усяго насельнiцтва.

Традыцыйная сустрэча партызанаў i падпольшчыкаў Беларусi, Латвii i Расii прайшла 3 лiпеня на Кургане Дружбы ў Глыбоцкiм раёне. У мерапрыемствах узялi ўдзел прадстаўнiкi ўладаў краiн, якiя разам змагалiся з фашызмам. А зусiм хутка на тэрыторыi Латвii будзе некалькi дзён адкрыты мiжнародны маладзёжны лагер «Бе-La-Русь», падчас дзейнасцi якога пройдуць розныя конкурсы, спартыўныя мерапрыемствы.

Падчас «Славянскага базара ў Вiцебску» пройдзе канцэрт «Зорка Мулявiна», прысвечаны памяцi беларускага песняра. У канцэрце возьмуць удзел майстры мастацтваў Беларусi, а таксама знакамiтасцi з Расii i Украiны.

«Вiцебскаблтэлекам» да 1029-й гадавiны заснавання Вiцебска падрыхтаваў новы даведнiк з нумарамi тэлефонаў усiх вiцебскiх гатэляў, кафэ, магазiнаў i г.д. Каштуе даведнiк менш за 1000 рублёў i карыстаецца добрым попытам.

Невядомыя спрабавалi скрасцi палiва з нафтаправода на тэрыторыi Талачынскага раёна. У вынiку каля 10 тон яго вылiлася на зямлю на 558-м кiламетры перагона Дзятлава—Коханава. Аварыю за некалькi гадзiн лiквiдавалi выратавальнiкi.

Вiцебскую папраўчую калонiю № 3 наведалi супрацоўнiкi шведскай сiстэмы выканання пакаранняў. Яны плануюць кансультаваць беларускiх калег па пытаннях альтэрнатыўных вiдаў пакарання, бо не заўсёды iзаляцыя ад грамадства — добры шлях да выпраўлення.