Як ствараць iмiдж нашай краiны

Источник материала:

Я i Радзiма

Такi семiнар праводзiцца ў Беларусi ўпершыню, у межах ажыццяўлення Дзяржаўнай праграмы iнфармацыйнага забеспячэння знешнепалiтычнай i знешнеэканамiчнай дзейнасцi.

На семiнары выступiлi прадстаўнiкi Галоўнага iдэалагiчнага ўпраўлення Адмiнiстрацыi Прэзiдэнта Рэспублiкi Беларусь, Мiнiстэрства замежных спраў, Мiнiстэрства iнфармацыi. У цэнтры ўвагi — як прасоўваць i ўмацоўваць станоўчы iмiдж Беларусi за яе межамi. Удзельнiкi семiнара дзялiлiся вопытам распаўсюджвання ў замежжы аб’ектыўнай iнфармацыi пра жыццё беларусаў i прыйшлi да высновы, што гэта трэба рабiць больш актыўна i наступальна. I перш за ўсё гэта датычыцца краiн — суседак Беларусi.

Прарывам у iнфармацыйнай рабоце лiчыцца адкрыццё спадарожнiкавага тэлеканала «Беларусь-ТБ». Прэзентацыя тэлеканала прайшла на семiнары. Паводле афiцыйных звестак, аўдыторыя «Беларусь-ТБ» цяпер павялiчылася ў параўнаннi з першым кварталам гэтага года ў 6 разоў.

Шмат увагi было ўдзелена развiццю інтэрнэт-сайтаў беларускiх прадпрыемстваў i ўстаноў. Пакуль многiя з iх не адпавядаюць патрабаванням часу, аднак развiццё вэб-старонак можа не толькi прасоўваць беларускiя тавары на мiжнародныя рынкi, але i даваць замежнiкам уяўленне аб рэальным жыццi ў Беларусi.

Намеснiк мiнiстра замежных спраў Аляксандр Герасiменка сказаў, што самае галоўнае — абмяняцца вопытам i меркаваннямi наконт iнфармацыйнай работы ў замежжы i скаардынаваць дзеяннi органаў кiравання i прадпрыемстваў.

— Мы павiнны працаваць сумесна, — сказаў Аляксандр Герасiменка. — Трэба комплексна паказваць Беларусь у замежжы.

Прадстаўнiк знешнепалiтычнага ведамства адзначыў вялiкую цiкавасць аўдыторыi да справы стварэння iмiджа Беларусi ў замежжы.

У асобных секцыях абмеркавалi праблемы iнфармацыйнага забеспячэння знешнеэканамiчнай дзейнасцi, iнвестыцыйныя магчымасцi Беларусi ў сетцы Iнтэрнэт i папулярызацыю турыстычнага i навукова-тэхнiчнага патэнцыялу нашай краiны.

Семiнар прадоўжыўся на магiлёўскiх прадпрыемствах «Магатэкс» i «Магiлёўлiфтмаш». Удзельнiкi семiнара азнаёмяцца з практыкай вядзення iнфармацыйна-рэкламнай работы з замежнымi партнёрамi.

Ул. iнф.