Карысная спаржа

Источник материала:

Рубрыку вядзе Ірына Самулевіч, тэл. 287-18-74

Спаржа вельмi карысная, яе маладыя парасткi валодаюць дыетычнымi i лекавымi ўласцiвасцямi. Яны змяшчаюць бялкi, вугляводы, вiтамiны А, С, В, РР, лiмонную i яблычную кiслоты. Медыцынай устаноўлена, што выкарыстанне ў ежу спаржы садзейнiчае панiжэнню крывянога цiску, паляпшае работу сэрца, змяншае стамляльнасць. Асаблiва карысная спаржа пры цукровым дыябеце, для паляпшэння апетыту, таксама яна выводзiць з арганiзма шкодныя прадукты — фасфаты, хларыды, мачавiну.

Для вырошвання спаржы патрэбны адкрытыя, добра асветленыя ўчасткi з урадлiвай зямлёй. Вырошчваюць яе расадай, найлепшы час для сяўбы — красавiк, у чэрвенi сеянцы перасаджваюць у адкрыты грунт на адлегласцi 50 см адзiн ад аднаго. Для харчовых мэтаў спаржа прыгодная пачынаючы з 3-гадовага ўзросту.

У ежу выкарыстоўваюць адбеленыя i зялёныя маладыя парасткi спаржы. Лiчыцца, што зялёная спаржа змяшчае большую колькасць вiтамiнаў, чым адбеленая. Свежазрэзаныя парасткi найбольш смачныя, але можна захоўваць iх у халадзiльнiку (не больш як тры днi), паклаўшы ў полiэтыленавы пакет. Зялёную спаржу не чысцяць, у адбеленай здымаюць скурку тонкiм слоем, зверху ўнiз, адступiўшы ад верхняй часткi парастка 2-3 см. Ачышчаць парасткi трэба непасрэдна перад адварваннем, таму што ачышчаная спаржа хутка мяняе колер.

Асаблiвую ўвагу трэба звярнуць на тое, як варыць спаржу. Яе нельга пераварваць, бо тады губляецца водар, парасткi становяцца мяккiмi i вадзянiстымi. У невялiкую колькасць кiпеню трэба дадаць соль, цукар, крыху масла, потым палажыць спаржу. Награванне павiнна быць невялiкае, такое, каб вада «дыхала», але не кiпела. Такiм чынам варыць спаржу 15—20 мiнут пры тэмпературы прыкладна 90—95°С.

Ваду пасля адварвання спаржы вылiваць не трэба, яе можна выкарыстаць для прыгатавання супоў, а тым, хто пакутуе ад павышанага цiску, карысна проста пiць.

Гарачую адвараную спаржу можна падаваць як гарнiр да мяса цi птушкi, а можна выкарыстоўваць як самастойную страву з рознымi соусамi.

Спаржа з сырам

Ачысцiць, калi трэба, спаржу вострым нажом, стараючыся не пашкодзiць галоўкi — самую каштоўную яе частку. Звязаць спаржу ў пучкi па 10 штук, роўна абрэзаць нiжнiя канцы i паставiць у каструлю з падсоленым кiпенем так, каб вада даходзiла толькi да сярэдзiны парасткаў. Варыць 15—20 мiн. Працадзiць ваду, развязаць пучкi спаржы i вылажыць роўнымi радамi ў форму, змазаную алеем i пасыпаную сухарамi. Пасыпаць цёртым сырам, сухарамi, спырснуць растопленым маслам i хутка запячы ў духоўцы. Падаваць да мясной стравы.

Кансерваванне спаржы

Парасткi адварыць у падсоленай вадзе, пакласцi ў слоiкi галоўкамi ўнiз, залiць адварам i стэрылiзаваць двойчы па 25 мiн. Спаржа — 400 г, соль — 100 г, вада — 1 л.