Аб некаторых пытаннях спагнання падаходнага падатку з фiзiчных асоб

Источник материала:

У мэтах упарадкавання прадастаўлення льгот па падаходнаму падатку з фiзiчных асоб i ў адпаведнасцi з часткай трэцяй артыкула 101 Канстытуцыi Рэспублiкi Беларусь пастанаўляю:

1. Устанавiць, што:

1.1. сумы, выплачаныя юрыдычнымi i фiзiчнымi асобамi медыцынскiм арганiзацыям, а таксама сумы, пералiчаныя на рахункi ў банках, якiя знаходзяцца на тэрыторыi Рэспублiкi Беларусь, за стацыянарнае лячэнне фiзiчных асоб, абкладаюцца падаходным падаткам з фiзiчных асоб;

1.2. сумы, выплачаныя фiзiчнай асобай на працягу справаздачнага каляндарнага года медыцынскiм арганiзацыям за сваё стацыянарнае лячэнне, за стацыянарнае лячэнне мужа (жонкi), сваiх бацькоў i (або) дзяцей, не падлягаюць вылiчэнню з даходу гэтай асобы, якая абкладаецца падаходным падаткам з фiзiчных асоб.

2. Савету Мiнiстраў Рэспублiкi Беларусь у трохмесячны тэрмiн:

2.1. забяспечыць прывядзенне актаў заканадаўства ў адпаведнасць з гэтым Дэкрэтам;

2.2. прыняць iншыя меры па выкананню гэтага Дэкрэта.

3. Гэты Дэкрэт уступае ў сiлу праз 10 дзён пасля яго афiцыйнага апублiкавання, з’яўляецца часовым i згодна з часткай трэцяй артыкула 101 Канстытуцыi Рэспублiкi Беларусь прадстаўляецца на разгляд Нацыянальнага сходу Рэспублiкi Беларусь.

Прэзiдэнт Рэспублiкi Беларусь А. ЛУКАШЭНКА.

9 верасня 2002 г., г. Мiнск.

Каментарый да Дэкрэта Прэзiдэнта Рэспублiкi Беларусь № 23 ад 9 верасня 2002 г. «Аб некаторых пытаннях спагнання падаходнага падатку з фiзiчных асоб»

З выданнем гэтага Дэкрэта дзяржава пераходзiць ад агульнага прадастаўлення льгот па падаходнаму падатку з фiзiчных асоб па сумах, выплачаных медыцынскiм арганiзацыям за стацыянарнае лячэнне, да iх адраснага накiравання грамадзянам, якiм яны сапраўды патрэбны. Пры гэтым названыя льготы будуць прадастаўляцца ў адпаведнасцi з артыкулам 4 Закона Рэспублiкi Беларусь «Аб падатках i зборах, якiя спаганяюцца ў бюджэт Рэспублiкi Беларусь».

Прэс-служба Прэзiдэнта Рэспублiкi Беларусь.