Правы студэнтаў i школьных настаўнiкаў павялiчаць

Источник материала:

Як вядома, другi год запар узоры дзённiкаў для беларускiх школьнiкаў зацвярджаюцца Мiнiстэрствам адукацыi. Заказы на «школьныя пашпарты» размяшчаюцца на палiграфiчных прадпрыемствах з улiкам статыстычных звестак i звестак абласных упраўленняў адукацыi аб колькасцi дзяцей, якiя павiнны сесцi за школьную парту ў новым навучальным годзе. Так атрымалася, што дзённiкаў для навучэнцаў V—XI класаў школ хапiла сёлета на ўсiх, а вось задаволiць патрэбы пачатковай школы ў дзённiках не ўдалося.

У Нацыянальным iнстытуце адукацыi нам прызналiся, што гэта застаецца для iх загадкай. Магчыма, дзённiкамi вырашылi запасцiся ўсе вучнi першых i другiх класаў беларускiх школ, хоць у першыя два гады навучання выкарыстанне дзённiкаў у навучальным працэсе носiць не абавязковы, а рэкамендацыйны характар. Нават калi i так, то ўсё роўна дадатковы тыраж у 40 тысяч экзэмпляраў павiнен быў задаволiць патрэбы i гэтага кантынгенту беларускiх школьнiкаў, але сёння ў Нацыянальны iнстытут адукацыi працягваюць паступаць заяўкi ад гандлёвых арганiзацый на «школьныя пашпарты» для пачатковай школы. Выснова напрошваецца сама сабой — набыццём аднаго дзённiка пакупнiкi, вiдаць па ўсiм, вырашылi не абмяжоўвацца... У сувязi з гэтым у Нацыянальным iнстытуце адукацыi не выключаюць, што iм зноў прыйдзецца друкаваць дадатковы тыраж.

У гандлёвую сетку беларускай сталiцы паступiла дадаткова 12 тысяч дзённiкаў. Iх распаўсюджванне даверана Беларускаму гандлёваму аб’яднанню «Глобус», Рэспублiканскаму унiтарнаму кнiгагандлёваму прадпрыемству «Белкнiга» i Рэспублiканскаму гандлёваму унiтарнаму прадпрыемству «Белсаюздрук». Сёння дзённiкi ў сталiцы можна набыць таксама ва ўсiх буйных сталiчных унiвермагах — ГУМ, ЦУМ, «Кiрмаш», «Беларусь», а таксама ў аддзелах па продажы канцылярскiх тавараў некаторых iншых сталiчных магазiнаў. Усяго ў распаўсюджваннi школьных дзённiкаў у Мiнску задзейнiчана каля 40 гандлёвых кропак. Разам з тым нядаўна ў продажы ў сталiцы былi заўважаны школьныя дзённiкi, выпушчаныя без дазволу Мiнадукацыi нашай краiны.