Фiрма «Дарыда» забяспечвае ход уборачнай на Мiншчыне прызавымi

Источник материала:

Каб высветлiць гэта, карэспандэнт «Звязды» звязаўся з адзiным заснавальнiкам УПП «Дарыда», дэпутатам Палаты прадстаўнiкоў Нацыянальнага сходу РБ Уладзiмiрам ДЗЯЛЕНДЗIКАМ.

— Няхай хлебаробы Мiншчыны не хвалююцца, — гаворыць спадар Дзялендзiк, — iх праца не застанецца па-за ўвагай фiрмы «Дарыда»: на цяперашнюю ўборачную кампанiю прадпрыемства выдзяляе звыш 17 мiльёнаў рублёў i 5 каштоўных падарункаў.

— Уладзiмiр Вiктаравiч, а расшыфраваць гэтыя лiчбы можна?

— Калi ласка. Мы заснавалi прызавыя ў пяцi намiнацыях. Бадай, найбольш важкiм будзе раздзел «Пераможцы сярод экiпажаў камбайнаў», дзе трох лаўрэатаў чакаюць грашовыя ўзнагароды па 1 мiльёну рублёў, столькi ж хлебаробаў атрымаюць па 800 тысяч i 600 тысяч рублёў адпаведна. Будуць падведзены вынiкi i сярод вадзiцеляў на адвозцы зерня. Наколькi я памятаю, за 1-е месца тут прадугледжана прэмiя ў 600 тысяч рублёў. Не забылi мы i пераможцаў у iндывiдуальным залiку. Старшы камбайнер за лiдэрства на сельскагаспадарчай нiве прэмiруецца адным мiльёнам рублёў, а яго памочнiк — 500 тысячамi рублёў. Абсалютныя пераможцы спаборнiцтваў, а iх будзе вызначана пяць, атрымаюць у якасцi каштоўных прызоў каляровыя тэлевiзары «Вiцязь». Да ўсяго сказанага дадам, што грашовым прызам у 2 мiльёны рублёў будзе прэмiравана кiраўнiцтва Мiнскага раённага выканаўчага камiтэта.

— Уладзiмiр Вiктаравiч, можна толькi па-добраму здзiўляцца шчодрасцi фiрмы «Дарыда» i вам асабiста.

— Дэвiз фiрмы «Дарыда» — дарыць, рабiць дабро. Маё жыццёвае крэда, як адзiнага заснавальнiка гэтага прадпрыемства i як дэпутата Палаты прадстаўнiкоў Нацыянальнага сходу РБ, дапамагаць iншым, у тым лiку i пры правядзеннi ўборачнай кампанii. I ад гэтага прынцыпу стараюся нiколi не адступаць.

Гутарыў Уладзiмiр ЗДАНОВIЧ.