Главная
Гороскопы
З аддаленай вёскi — да лепшага педагога
Святлана ЯСКЕВIЧ
Iнiцыятыва У Драгiчынскiм раёне другi год запар у рамках праграмы «Адораныя дзецi» сельскiх школьнiкаў возяць на дадатковыя заняткi ў райцэнтр. Спачатку такую практыку прымянялi для падрыхтоўкi ўдзельнiкаў абласных прадметных алiмпiяд. Потым стала зразумела, што патрэбу ў дадатковых уроках маюць значна больш школьнiкаў, асаблiва тыя з iх, хто збiраецца паступаць у вышэйшыя навучальныя ўстановы.Менавiта так паставiў пытанне кiраўнiк раённай выканаўчай улады Васiль Хвацiк. Старшыня райвыканкама сваiм распараджэннем выдзелiў сродкi на тое, каб кожную суботу здольныя дзецi, нават з самых аддаленых вёсак, маглi прыехаць у Драгiчын i атрымаць або ўзбагацiць свае веды. Летась такой формай вучобы было ахоплена 70 чалавек, сёлета — ужо 400. Загадчык аддзела адукацыi райвыканкама Дзмiтрый Iгнатчык расказаў, што створана 14 груп старшакласнiкаў па васьмi спецыяльнасцях. Дзецi займаюцца па тры гадзiны па выбранай спецыяльнасцi, а затым, пасля перапынку, маюць магчымасць наведаць урок па дадатковаму прадмету. Так, напрыклад, адзiн вучань можа вывучаць матэматыку i бiялогiю, або матэматыку i англiйскую, рускую, беларускую мову цi наадварот, у залежнасцi ад таго, хто якую спецыяльнасць выбраў за асноўную. Як правiла, гэтую магчымасць — паглыблена вывучаць два прадметы — выкарыстоўваюць усе. Спачатку вучнi былi пратэсцiраваны з тым, каб у групы адабраць дзяцей прыкладна з аднолькавым узроўнем ведаў — так лягчэй працаваць педагогу. Групы налiчваюць ад сямi да пятнаццацi школьнiкаў. Такiм чынам, настаўнiк можа пэўную увагу ўдзялiць кожнаму вучню. Выкладаць дысцыплiны запрасiлi лепшых прадметнiкаў школ горада i раёна. Зараз у раённы аддзел адукацыi перыядычна паступаюць удзячныя водгукi бацькоў: гэта ж атрымлiваецца амаль як рэпетытарства, толькi бясплатнае. Далёка не ва ўсякай вёсцы можна знайсцi настаўнiка, якi падрыхтаваў бы дзiця да паступлення ў ВНУ. А калi вёска за некалькi або за дзесятак кiламетраў ад школы? Важна, што такой формай вучобы ахоплены не толькi самыя з самых здольных, але амаль 30 працэнтаў сельскiх дзяцей раёна. Як сказаў Дзмiтрый Iгнатчык, усе, хто хацеў, атрымалi магчымасць ездзiць па выхадных днях у райцэнтр i вучыцца. Летась колькасць месцаў была абмежаваная, i школьнiкi здавалi iспыты, каб трапiць у гэты спiс. Цяпер падышлi iнакш i знайшлi магчымасць «ахапiць» большую колькасць дзяцей. У мiнулым годзе займалiся толькi вучнi 10—11 класаў — цяпер падрыхтоўка iдзе пачынаючы з восьмага класа. Аўтобусы прывозяць дзяцей на заняткi i адвозяць дадому.
Чтобы разместить новость на сайте или в блоге скопируйте код:
На вашем ресурсе это будет выглядеть так
У Драгiчынскiм раёне другi год запар у рамках праграмы «Адораныя дзецi» сельскiх школьнiкаў возяць на дадатковыя заняткi ў райцэнтр |
|