Кiраўнiк дзяржавы ўнёс на разгляд парламента праект закона аб бюджэце краiны на 2006 год

Источник материала:

У адпаведнасцi з законапраектам, у 2006 годзе расходы рэспублiканскага бюджэту складуць Br26,64 трлн, а даходы — Br25,51 трлн, што адпаведна на 24,2 працэнта i 26,4 працэнта вышэй за ўзровень iх чакаемага выканання ў 2005 годзе. Адносна ВУП расходы прапануецца павялiчыць на 1,41 працэнтнага пункта (з 34,58 працэнта да 36 працэнтаў). У абсалютным выражэннi расходы рэспублiканскага бюджэту за 2006 год павялiчацца на Br5,2 трлн, даходы — на Br5,33 трлн. Плануемы дэфiцыт рэспублiканскага бюджэту складзе Br1,13 трлн (або 1,5 працэнта да ВУП).

У праекце закона прадугледжваецца агульнае знiжэнне падатковай нагрузкi на эканомiку краiны, якая можа скласцi 1,3 працэнта да ВУП. Такiм чынам, каля Br1 трлн застанецца ў распараджэннi суб’ектаў гаспадарання. Гэта будзе дасягнута ў асноўным за кошт адмены збору ў мясцовыя мэтавыя бюджэтныя жыллёва-iнвестыцыйныя фонды, якiя ствараюцца абласнымi i Мiнскiм гарадскiм Саветамi дэпутатаў, збору на фiнансаванне расходаў, звязаных з утрыманнем i рамонтам жыллёвага фонду, збору з фiзiчных асоб пры перасячэннi iмi Дзяржаўнай гранiцы Рэспублiкi Беларусь праз пункты пропуску, знiжэння падатковых ставак па мэтавых зборах з карыстальнiкаў з 3,9 працэнта да 3 працэнтаў.

У 2006 годзе будзе прадоўжана палiтыка дзяржавы, накiраваная на павышэнне якасцi жыцця грамадзян Беларусi. Так, расходы на адукацыю, ахову здароўя i сацыяльную палiтыку за 2006 год павялiчацца на 17,6 працэнта (або на Br1,74 трлн) i складуць Br11,64 трлн (або 15,7 працэнта да ВУП). На гэтыя мэты плануецца накiраваць каля 44 працэнтаў сродкаў рэспублiканскага бюджэту. Прадугледжваецца рост укладанняў у параўнаннi з 2005 годам у сферу аховы здароўя на 11,3 працэнта i адукацыi на 21,9 працэнта. Расходы рэспублiканскага бюджэту на сацыяльную палiтыку ў 2006 годзе прадугледжаны ў памеры Br9,9 трлн., што на 17,7 працэнта вышэй за iх чакаемы ўзровень у 2005 годзе.

З iх на пенсii, дапамогi i iншыя выплаты насельнiцтву будзе накiравана Br9,33 трлн (94,2 працэнта ад агульнай сумы расходаў на сацыяльную палiтыку), што на Br1,5 трлн больш, чым у 2005 годзе; выплату дапамог грамадзянам i сем’ям, якiя маюць дзяцей, — Br221 млрд, або на Br8,63 млрд больш, чым у 2005 годзе; на дапамогу ў забеспячэннi жыллём адпаведна — Br212,32 млрд i Br28,48 млрд.

На фiнансаванне расходаў па забеспячэнню iнвалiдаў i ўдзельнiкаў Вялiкай Айчыннай вайны пуцёўкамi на санаторна-курортнае лячэнне i аздараўленне запланавана выдзелiць Br30,6 млрд. Гэта на 15 працэнтаў больш, чым у 2005 годзе.

За кошт сродкаў рэспублiканскага бюджэту плануецца ў 2006 годзе аздаравiць 5,9 тыс. iнвалiдаў ва ўзросце да 18 гадоў. Акрамя таго, у рамках праграмы па пераадоленню наступстваў катастрофы на Чарнобыльскай АЭС за кошт сродкаў рэспублiканскага бюджэту будзе ажыццяўляцца прадастаўленне беспрацэнтнай пазыкi на будаўнiцтва (куплю) жылля iнвалiдам з прычыны аварыi на Чарнобыльскай АЭС на суму Br7 млрд. У 2006 годзе на рэалiзацыю Дзяржаўнай праграмы развiцця i адраджэння вёскi намечана накiраваць больш за Br2,36 трлн (у 2005 годзе — Br1,77 трлн), у тым лiку з рэспублiканскага фонду падтрымкi вытворцаў сельскагаспадарчай прадукцыi, прадуктаў харчавання i аграрнай навукi — Br1,91 трлн. У рэспублiканскiм бюджэце на 2006 год расходы на культуру, спорт, фiзiчную культуру i сродкi масавай iнфармацыi прадугледжаны ў суме Br367,93 млрд (або 135,8 працэнта да чакаемага ўзроўню 2005 года).

Прэс-служба Прэзiдэнта Рэспублiкi Беларусь.