У другiм чытаннi прыняты закон аб вызваленнi ад крымiнальнай адказнасцi за эканамiчныя злачынствы

Источник материала:

Як адзначыў падчас пасяджэння намеснiк старшынi камiсii па нацыянальнай бяспецы нiжняй палаты беларускага парламента Вiктар Гумiнскi, «сёння мы ўпершыню прымаем законапраект», якi ў вынiку яго прыняцця дазволiць спынiць вытворчасць па крымiнальных справах супраць любой асобы, якая ўчынiла злачынства, што пацягнула нанясенне ўрону дзяржаўнай уласнасцi або маёмасцi юрыдычнай асобы, доля ў статутным фондзе якой належыць дзяржаве, або якая нанесла iстотны ўрон дзяржаўным або грамадскiм iнтарэсам. Пры гэтым злачынства не павiнна быць звязана з замахам на жыццё або здароўе чалавека. «Безумоўна, — лiчыць В. Гумiнскi, — гэта гуманны крок з боку дзяржавы. Але i не толькi. Размова iдзе i аб хутчэйшым аператыўным аднаўленнi парушаных эканамiчных iнтарэсаў дзяржавы, а ў асобных выпадках — i iнтарэсаў працоўных калектываў».

Учора дэпутаты прынялi ў другiм чытаннi i законапраект «Аб унясеннi змяненняў i дапаўненняў у Закон Рэспублiкi Беларусь «Аб статусе дэпутата мясцовага Савета дэпутатаў Рэспублiкi Беларусь».