У Беларусi будуць створаны ўсе ўмовы для трэнiроўкi канадцаў да чэмпiянату свету па хакею

Источник материала:

«Ведаю, што вы цяпер падбiраеце дастойнае месца для сваiх хлопцаў напярэдаднi чэмпiянату свету па хакею ў Латвii для аклiматызацыi i падрыхтоўкi, i не супраць аддаць перавагу Беларусi. Калi гэта будзе так, то мы створым для вас усе ўмовы», — падкрэслiў Аляксандр Лукашэнка, звяртаючыся да Марка Хабшайда.

Гаворачы аб зацiкаўленасцi беларускага боку, прэзiдэнт адзначыў, што «мы хацелi б паглядзець, як вы рыхтуеце сваiх хакеiстаў да такiх буйных спаборнiцтваў».

«Вы заўсёды былi адкрыты для беларускiх спецыялiстаў. Калi i ў гэты раз дазволiце нам крыху падвучыцца ў вас гульнi ў хакей, падрыхтоўцы спартсменаў, то мы будзем вам удзячны i кожны год будзем запрашаць вас да сябе не толькi згуляць у хакей, але i адпачыць», — дадаў Аляксандр Лукашэнка.

Паводле слоў кiраўнiка дзяржавы, яму вельмi прыемна сустракацца з аднадумцамi, прадстаўнiкамi любiмага вiду спорту i, у прыватнасцi, адной з любiмых зборных каманд.

«Гэта не проста данiна павагi. Мы пацвердзiлi гэта тым, што, калi ў нас былi цяжкасцi з трэнерскiм складам, мы звярнулiся да канадскiх спецыялiстаў з просьбай дапамагчы культываваць той хакей, у якi вы гуляеце ў Канадзе», — сказаў Аляксандр Лукашэнка.

Прэзiдэнт пры гэтым выказаў цёплыя словы ў адрас Глена Хэнлана, галоўнага трэнера зборнай Беларусi па хакею.

Кiраўнiк дзяржавы абмяняўся з Маркам Хабшайдам думкамi аб праведзеным у Мiнску маладзёжным чэмпiянаце свету, патэнцыяльных магчымасцях беларускай каманды.

Паводле слоў Марка Хабшайда, у Беларусi хакей знаходзiцца на вельмi прыстойным узроўнi. «Для нас гонар тая акалiчнасць, што канадскi хакей карыстаецца вялiкай павагай у Беларусi. Мы ў сваю чаргу адкрытыя для мiжнароднага абмену вопытам, паколькi хацелi б пазнаёмiцца з дасягненнямi ў еўрапейскiм хакеi», — падкрэслiў ён.

На праведзенай сустрэчы абмеркаваны таксама магчымасцi арганiзацыi ў рамках вучэбна-трэнiровачнага збору канадскiх хакеiстаў таварыскiх гульняў памiж нацыянальнымi камандамi Беларусi i Канады, курсаў павышэння квалiфiкацыi для беларускiх спецыялiстаў хакея, а таксама майстар-класа для юных хакеiстаў з Мiнска з удзелам вядучых iгракоў нацыянальнай каманды Канады.

Як было адзначана, наша краiна разам з Украiнай мае шанц стаць месцам правядзення вучэбна-трэнiровачнага збору для канадскiх хакеiстаў напярэдаднi чэмпiянату свету па хакею 2006 года. Першапачаткова канадцам паступiлi прапановы ад 11 краiн. На сённяшнi дзень спiс скарацiўся да дзвюх дзяржаў — Беларусi i Украiны.

Пасля заканчэння сустрэчы канадскiя спецыялiсты прысутнiчалi на трэнiроўцы каманды Прэзiдэнта Рэспублiкi Беларусь.

Прэс-служба Прэзiдэнта Рэспублiкi Беларусь.