«Адна з самых хуткарастучых эканомiк Еўропы»

Источник материала:

Важным аспектам нядаўнiх беларуска-расiйскiх перамоў, па ацэнках СМI, сталi маючыя адбыцца прэзiдэнцкiя выбары ў нашай краiне.

Паводле «Политкома», «мяркуючы па выдатнаму настрою суразмоўцаў i абвяшчэнню даты галасавання», памiж прэзiдэнтамi дзвюх краiн i па гэтым пытаннi знойдзена паразуменне. Iнтэрнэт-газета таксама канстатуе, што прэзiдэнт Беларусi А. Лукашэнка з’яўляецца адзiным «палiтыкам-ювелiрам» у краiне, якi ў стане абыграць свайго расiйскага партнёра: «Ён можа разлiчваць, што пасля перамогi на выбарах плёнку можна будзе адматаць назад. I што Захад, усвядомiўшы захаванне Лукашэнкi, будзе зацiкаўлены не ў яго знiшчэннi, а ў супрацоўнiцтве з iм...»

Часопiс «Эксперт» прызнае, што «ў Беларусi ў цэлым справы даволi нядрэнныя». Краiна валодае адной з «самых хуткарастучых эканомiк Еўропы». Пры гэтым канстатуецца, што «незалежныя» беларускiя эканамiсты i «iх калегi з МВФ памылялiся ў ацэнцы перспектыў беларускай мадэлi развiцця». На думку «Эксперта», «адным з iнструментаў дасягнення высокiх тэмпаў росту стаў своеасаблiвы стыль кiравання», якi дазваляе эфектыўна выкарыстоўваць дамiнуючую ў народнай гаспадарцы дзяржаўную ўласнасць.

Што датычыцца маючых адбыцца выбараў прэзiдэнта, то нават празаходнiя расiйскiя СМI не вераць у тое, што так званы «адзiны» кандыдат ад апазiцыi здолее скласцi сур’ёзную канкурэнцыю прэзiдэнту А. Лукашэнку.