Беларусы — за стабiльнасць

Источник материала:

28,7 працэнта рэспандэнтаў цалкам задаволеныя жыццём, якое вядуць. 33,7 працэнта — хутчэй задаволеныя. Абсалютна незадаволеных жыццём беларусаў — 7,5 працэнта.

Матэрыяльнае становiшча сваёй сям’i ацэньваюць як вельмi добрае, добрае i сярэдняе адпаведна 9,5 працэнта, 23,4 працэнта i 51,6 працэнта апытаных. Адметна, што 39,5 працэнта рэспандэнтаў упэўненыя, што праз год iх сям’я будзе жыць лепш. Яшчэ 49,1 працэнта не выказваюць апасенняў, што нешта зменiцца ў горшы бок.

Большасцю насельнiцтва Беларусi станоўча ацэньваецца i эканамiчная сiтуацыя ў краiне. Сярэднiм эканамiчнае становiшча рэспублiкi лiчаць 56,2 працэнта апытаных, добрым — 24 працэнты, вельмi добрым — 4,4 працэнта апытаных.

Абсалютная большасць — 70,5 працэнта рэспандэнтаў перакананы, што палiтычная абстаноўка ў Беларусi застаецца спакойнай. 15,5 працэнта апытаных лiчаць, што за апошнiя гады яна стала менш напружанай.

Вiдавочна, што такую эканамiчную i палiтычную стабiльнасць жыхары Беларусi звязваюць з дзеючым кiраўнiцтвам краiны. Так, калi б выбары Прэзiдэнта Рэспублiкi Беларусь адбылiся ўжо заўтра, за Аляксандра Лукашэнку аддалi б свае галасы 75,2 працэнта рэспандэнтаў. У той жа час 90,7 працэнта апытаных не ведаюць нiводнага прадстаўнiка апазiцыi, якi б, на iх думку, быў здольны перамагчы на выбарах кiраўнiка беларускай дзяржавы. Даследаванне праводзiлася ва ўсiх рэгiёнах Беларусi. У ходзе яго апытана 2800 грамадзян краiны ва ўзросце ад 18 гадоў i старэй.