«БеСТ»: няма платы за паветра

Источник материала:

Мабiльныя навiны

Паводле слоў першага намеснiка генеральнага дырэктара ЗАТ «БеСТ» Сяргея Паблагуева, адзiн з першых крокаў аператара на шляху выканання сацыяльнай мiсii стане самай даступнай прапановай для абанентаў Беларусi.

Асноўнымi перавагамi унiкальнай паслугi ў перыяд акцыi з’яўляецца не толькi бясплатнае падключэнне, бясплатны выбар зручнага нумара, адсутнасць штомесячнай абаненцкай платы, але i мiнiмальны плацеж за размовы ў сетцы, якi для групы з чатырох чалавек (максiмальная колькасць у межах акцыi) складзе ўсяго 7,5 тысячы рублёў для кожнага нумара. Для выбару нумара перад абанентам адкрыты ўвесь мiльённы масiў кампанii. «Капiраванне» SIM-карты таксама прадастаўляецца бясплатна. Дадаткова пры падключэннi можна актывiзаваць паслугу «Сям’я i блiзкiя», каб званкi на выбраныя тры нумары аўтаматычна сталi значна таннейшымі.

Вядома, што пакуль Беларуская сетка тэлекамунiкацый ахоплiвае выключна сталiцу, аднак ужо ў сакавiку плануецца «накрыць» адначасова ўсе абласныя цэнтры.

Нагадаем, што камерцыйная эксплуатацыя сотавай сеткi ЗАТ «БеСТ» пачалася 21 снежня. Абанентам былi прапанаваны 2 тарыфныя планы для фiзiчных асоб «Базавы» i «Льготны». «Базавы» мае 10-секундную тарыфiкацыю. Кошт SMS тут самы нiзкi, нiжэй за кошт галасавога трафiка, што з’яўляецца еўрапейскiм стандартам. Дадаткова ўсiм абанентам тарыфнага плана «Базавы» прадастаўляецца бясплатная паслуга — 10 SMS «Паведамi свой нумар усiм».