Закон Рэспублiкi Беларусь

Источник материала:

Прыняты Палатай прадстаўнiкоў 12 снежня 2005 года

Адобраны Саветам Рэспублiкi 21 снежня 2005 года

Артыкул 1. Унесцi ў Закон Рэспублiкi Беларусь ад 9 студзеня 2002 года «Аб абавязковым страхаваннi грамадзянскай адказнасцi перавозчыка перад пасажырамi» (Нацыянальны рэестр прававых актаў Рэспублiкi Беларусь, 2002 г., № 9, 2/837; 2003 г., № 128, 2/994) наступныя змяненнi i дапаўненнi:

1. Прэамбулу Закона выкласцi ў наступнай рэдакцыi:

«Гэты Закон рэгулюе адносiны, якiя ўзнiкаюць пры абавязковым страхаваннi грамадзянскай адказнасцi перавозчыка перад пасажырамi, якiя перавозяцца аўтамабiльным, паветраным, водным, чыгуначным, iншымi азначанымi гэтым Законам вiдамi транспарту на тэрыторыi Рэспублiкi Беларусь, i ўстанаўлiвае парадак i ўмовы ажыццяўлення такога страхавання.».

2. У артыкуле 1:

пасля абзаца чацвёртага дапоўнiць артыкул абзацам наступнага зместу:

«пасажыраабарот — сярэдняя колькасць пасажыраў, перавезеных адным транспартным сродкам на працягу каляндарнага года, якi папярэднiчае году заключэння дагавора страхавання;»;

абзацы пяты—дзесяты лiчыць адпаведна абзацамi шостым—адзiнаццатым;

абзац шосты выкласцi ў наступнай рэдакцыi:

«перавозчык — юрыдычная асоба або iндывiдуальны прадпрымальнiк, якiя зарэгiстраваны ў Рэспублiцы Беларусь i ва ўстаноўленым парадку ажыццяўляюць перавозку пасажыраў i багажу з выкарыстаннем для гэтых мэтаў транспартнага сродку;»;

абзац адзiнаццаты выкласцi ў наступнай рэдакцыi:

«транспартны сродак — любы транспартны сродак аўтамабiльнага, паветранага, воднага або чыгуначнага транспарту, гарадскога электрычнага транспарту, а таксама метро, прызначаны для перавозкi пасажыраў i багажу.».

3. Артыкул 2 дапоўнiць часткай другой наступнага зместу:

«Калi мiжнародным дагаворам, якi дзейнiчае для Рэспублiкi Беларусь, устаноўлены iншыя правiлы, чым тыя, якiя ўтрымлiваюцца ў гэтым Законе, то прымяняюцца правiлы мiжнароднага дагавора Рэспублiкi Беларусь.».

4. Артыкул 3 выкласцi ў наступнай рэдакцыi:

«Артыкул 3. Сфера прымянення гэтага Закона

Сфера прымянення гэтага Закона распаўсюджваецца на адносiны, якiя ўзнiкаюць пры абавязковым страхаваннi грамадзянскай адказнасцi перавозчыка перад пасажырамi, якiя перавозяцца сродкамi аўтамабiльнага, паветранага, воднага i чыгуначнага транспарту, па перавозках на тэрыторыi Рэспублiкi Беларусь аўтамабiльным, паветраным i чыгуначным транспартам мiжнародных зносiнаў, усiмi вiдамi транспарту прыгарадных зносiнаў, гарадскiм аўтамабiльным i электрычным транспартам, а таксама метро, унутраным водным транспартам на турысцкiх i экскурсiйна-прагулачных маршрутах.».

5. У частцы першай артыкула 5 словы «выдана лiцэнзiя» замянiць словамi «выданы спецыяльны дазвол (лiцэнзiя) на ажыццяўленне страхавой дзейнасцi, якi дае права».

6. У артыкуле 6:

у абзацы трэцiм словы «медыцынскiх установах» замянiць словамi «арганiзацыях аховы здароўя, Дзяржаўнай службе медыцынскiх судовых экспертыз»;

абзац чацвёрты выключыць;

абзацы пяты i шосты лiчыць адпаведна абзацамi чацвёртым i пятым;

у абзацы чацвёртым слова «пацярпеўшаму» замянiць словам «пацярпеўшага».

7. У артыкуле 7:

абзац пяты выкласцi ў наступнай рэдакцыi:

«своечасова пералiчваць сродкi фонду папераджальных (прэвентыўных) мерапрыемстваў у рэспублiканскi бюджэт;»;

абзац шосты дапоўнiць словамi «, за выключэннем выпадкаў, прадугледжаных заканадаўствам Рэспублiкi Беларусь».

8. У артыкуле 10:

абзацы трэцi i чацвёрты выкласцi ў наступнай рэдакцыi:

«скласцi акт аб нанясеннi шкоды жыццю, здароўю пасажыра i (цi) аб страце, аб недастачы або пашкоджаннi яго багажу пры ажыццяўленнi пасадкi, перавозкi, высадкi пасажыра або пагрузкi, перавозкi цi выгрузкi багажу (далей — акт аб нанясеннi шкоды) па форме, зацверджанай страхоўшчыкам па ўзгадненню з дзяржаўным органам па нагляду за страхавой дзейнасцю, i прадставiць яго пацярпеўшаму (а ў выпадку яго смерцi — нашчадкам) на працягу пяцi працоўных дзён з дня, з якога страхавальнiку стала вядома аб нанясеннi шкоды жыццю, здароўю пасажыра i (цi) аб страце, аб недастачы або пашкоджаннi яго багажу пры ажыццяўленнi пасадкi, перавозкi, высадкi пасажыра або пагрузкi, перавозкi цi выгрузкi багажу;

паведамiць страхоўшчыку на працягу пяцi працоўных дзён з дня складання акта аб нанясеннi шкоды аб надыходзе страхавога выпадку;»;

пасля абзаца чацвёртага дапоўнiць артыкул абзацам наступнага зместу:

«прадаставiць страхоўшчыку па яго патрабаванню на працягу трох працоўных дзён копiю багажнай квiтанцыi ў выпадку яе страты пацярпеўшым або смерцi пацярпеўшага;»;

абзацы пяты—сёмы лiчыць адпаведна абзацамi шостым—восьмым;

абзац восьмы выключыць.

9. Абзац чацвёрты часткi другой артыкула 11 выкласцi ў наступнай рэдакцыi:

«звесткi аб пасажыраабароце за каляндарны год, якi папярэднiчаў году заключэння дагавора страхавання. Перавозчык, якi не ажыццяўляў перавозку пасажыраў i багажу на працягу года, што папярэднiчае году заключэння дагавора страхавання, вызначае звесткi аб плануемым гадавым пасажыраабароце;».

10. З артыкула 12 словы «з любым са страхоўшчыкаў, якiя маюць лiцэнзiю на правядзенне абавязковага страхавання грамадзянскай адказнасцi перавозчыка перад пасажырамi» выключыць.

11. Артыкул 14 выкласцi ў наступнай рэдакцыi:

«Артыкул 14. Страхавы ўзнос (страхавая прэмiя)

Сума страхавога ўзносу (страхавой прэмii), якая падлягае выплаце па дагавору страхавання, устанаўлiваецца страхоўшчыкам у адпаведнасцi са страхавымi тарыфамi, страхавой сумай (лiмiтам адказнасцi) i пасажыраабаротам. Страхавы ўзнос (страхавая прэмiя) уключаецца страхавальнiкам у сабекошт аказваемых паслуг.

Страхавыя тарыфы ўстанаўлiваюцца Саветам Мiнiстраў Рэспублiкi Беларусь па ўзгадненню з Прэзiдэнтам Рэспублiкi Беларусь дыферэнцыравана ў залежнасцi ад вiду i колькасцi транспартных сродкаў з улiкам колькасцi страхавых выпадкаў, якiя адбылiся ў перавозчыка на працягу двух каляндарных гадоў, што папярэднiчаюць году заключэння дагавора страхавання.

Страхавы ўзнос (страхавая прэмiя) выплачваецца ў беларускiх рублях па афiцыйнаму курсу беларускага рубля ў адносiнах да еўра, устаноўленаму Нацыянальным банкам Рэспублiкi Беларусь на дзень выплаты страхавога ўзносу (страхавой прэмii).

Тэрмiн (тэрмiны) выплаты страхавога ўзносу (страхавой прэмii) устанаўлiваецца (устанаўлiваюцца) у дагаворы страхавання.

Калi ў дагаворы страхавання прадугледжана растэрмiноўка ўнясення страхавога ўзносу (страхавой прэмii), у iм могуць быць вызначаны наступствы выплаты чарговай часткi страхавога ўзносу (страхавой прэмii) ва ўстаноўлены тэрмiн.».

12. У артыкуле 15:

назву артыкула выкласцi ў наступнай рэдакцыi:

«Артыкул 15. Страхавая сума (лiмiт адказнасцi). Страхавая кампенсацыя»;

з абзаца другога часткi трэцяй слова «(гiбелi)» выключыць;

частку чацвёртую выкласцi ў наступнай рэдакцыi:

«Страхавая кампенсацыя ў выпадку страты, нястачы або пашкоджання багажу, якi належыць пацярпеўшаму, выплачваецца зыходзячы з нанесенага ўрону ў межах памеру страхавой сумы, устаноўленага дагаворам страхавання. Урон разлiчваецца ў выпадку:

страты або нястачы багажу — у памеры кошту страчанага цi адсутнага багажу;

пашкоджання багажу — у памеры сумы, на якую панiзiўся яго кошт, а пры немагчымасцi аднаўлення пашкоджанага багажу — у памеры яго кошту.»;

пасля часткi чацвёртай дапоўнiць артыкул часткай наступнага зместу:

«У выпадку, калi адказнасць перавозчыка за страту, нястачу або пашкоджанне багажу застрахавана па некалькiх дагаворах абавязковага страхавання грамадзянскай адказнасцi, памер страхавой кампенсацыi, выплачваемай па дагавору страхавання ў адпаведнасцi з гэтым Законам у выпадку страты, нястачы або пашкоджання багажу, устанаўлiваецца з улiкам памеру страхавой кампенсацыi, выплачанай па iншых дагаворах абавязковага страхавання грамадзянскай адказнасцi.»;

частку пятую лiчыць часткай шостай;

у частцы шостай словы «курсам еўра» замянiць словамi «афiцыйным курсам беларускага рубля ў адносiнах да еўра».

13. Артыкул 16 выкласцi ў наступнай рэдакцыi:

«Артыкул 16. Складанне акта аб страхавым выпадку

Страхоўшчык абавязаны скласцi акт аб страхавым выпадку на працягу трох працоўных дзён з дня атрымання ад пацярпеўшага (а ў выпадку яго смерцi — ад нашчадкаў) заявы з прыкладаннем дакументаў, указаных у частках другой—чацвёртай гэтага артыкула.

У выпадку нанясення шкоды здароўю пацярпеўшага iм прадстаўляюцца:

арыгiнал або копiя акта аб нанясеннi шкоды;

дакумент арганiзацыi аховы здароўя аб аказаннi медыцынскай дапамогi i заключэнне Дзяржаўнай службы медыцынскiх судовых экспертыз аб ступенi цяжкасцi цялесных пашкоджанняў, нанесеных пацярпеўшаму.

У выпадку смерцi пацярпеўшага яго нашчадкамi прадстаўляюцца:

арыгiнал або копiя акта аб нанясеннi шкоды;

натарыяльна засведчаная копiя дакумента аб смерцi пацярпеўшага;

натарыяльна засведчаная копiя дакумента аб праве на спадчыну.

У выпадку страты, нястачы або пашкоджання багажу пацярпеўшым (а ў выпадку яго смерцi — нашчадкамi) прадстаўляюцца:

арыгiнал або копiя акта аб нанясеннi шкоды;

копiя багажнай квiтанцыi, калi iншае не ўстаноўлена часткай пятай гэтага артыкула.

У выпадку страты пацярпеўшым багажнай квiтанцыi або смерцi пацярпеўшага страхоўшчык патрабуе копiю багажнай квiтанцыi ад страхавальнiка.».

14. У артыкуле 18:

частку першую дапоўнiць словамi «, сродкi якога пералiчвае ў рэспублiканскi бюджэт»;

частку трэцюю выкласцi ў наступнай рэдакцыi:

«Памер адлiчэнняў ад страхавых узносаў у фонд папераджальных (прывентыўных) мерапрыемстваў устанаўлiваецца Саветам Мiнiстраў Рэспублiкi Беларусь, а парадак выкарыстання сродкаў указанага фонду вызначаецца Саветам Мiнiстраў Рэспублiкi Беларусь па ўзгадненню з Прэзiдэнтам Рэспублiкi Беларусь, калi iншае не ўстаноўлена заканадаўчымi актамi.».

Артыкул 2. Дагаворы абавязковага страхавання грамадзянскай адказнасцi перавозчыка перад пасажырамi, заключаныя да ўступлення ў сiлу гэтага Закона, дзейнiчаюць да заканчэння тэрмiнаў iх дзеяння на ранейшых умовах без прывядзення ў адпаведнасць з гэтым Законам.

Артыкул 3. Гэты Закон уступае ў сiлу праз тры месяцы пасля яго афiцыйнага апублiкавання, за выключэннем гэтага артыкула i артыкула 4, якiя ўступаюць у сiлу з дня афiцыйнага апублiкавання гэтага Закона.

Артыкул 4. Савету Мiнiстраў Рэспублiкi Беларусь у трохмесячны тэрмiн пасля афiцыйнага апублiкавання гэтага Закона забяспечыць прывядзенне нарматыўных прававых актаў Рэспублiкi Беларусь у адпаведнасць з гэтым Законам.

Прэзiдэнт Рэспублiкi Беларусь А. ЛУКАШЭНКА

5 студзеня 2006 года, г. Мiнск.

№ 87-З