Сярэдняя зарплата ў АПК — 135 долараў

Источник материала:

5,1 трлн рублёў склалi ўласныя сродкi сельскагаспадарчых прадпрыемстваў, 4,49 трлн рублёў — бюджэтныя ўкладаннi. Таксама былi выкарыстаны грошы з iнавацыйных фондаў i iнвестараў. Дарэчы, апошнiя на рэалiзацыю праграмы адраджэння вёскi летась выдаткавалi 386,3 млрд рублёў. Паводле слоў Алы Ламакiнай, асноўная частка сродкаў (9,1 трлн рублёў) была накiравана на развiццё вытворчай сферы аграпрамысловых прадпрыемстваў. У вясковую «сацыялку» летась укладзена 2,4 трлн рублёў. Усе планавыя параметры развiцця сацыяльнай сферы на вёсцы ў мiнулым годзе былi поўнасцю выкананы. Як паведамiла Ала Ламакiна, па папярэдняй ацэнцы сярэдняя зарплата ў аграпрамысловым комплексе дасягнула прагнознага ўзроўню 135 долараў. Паводле iнфармацыi Алы Ламакiнай, валавы намалот збожжа склаў 6,42 млн тон, цукровых буракоў было сабрана больш чым 3 млн тон, бульбы — больш чым 8 млн тон, гароднiны — 2 млн тон, масланасення рапсу — 150 тыс. тон, пладоў i ягад — 380 тыс. тон, малака — 5,6 млн тон, мяса жывёлы i птушкi — больш чым 1 млн тон. У вынiку гэтага ўсе прадпрыемствы перапрацоўкi забяспечаны айчыннай сыравiнай.