«Каханне пад вязамi» абяцае быць незвычайным

Источник материала:

Прэм’еры

Аўтар лiбрэта, харэаграфii i пастаноўшчык балета — маскоўскi харэограф Юрый Пузакоў. Ён стварыў у свой час вядомыя сваёй арыгiнальнасцю балетныя спектаклi «Казанова», «Рамэа i Джульета», пастаноўкi балетных сцэн i танцаў у оперных спектаклях, кiно, мюзiклах.

Што штурхнула маскоўскага госця паставiць спектакль менавiта на беларускай сцэне? Як гаворыць сам Юрый Пузакоў, па-першае, з пачатку 90-х гадоў ён працуе па кантрактах у розных тэатрах СНД i замежжа. Беларускi тэатр балета вабiў яго даўно сваiм высокiм, сусветна вядомым узроўнем. З мастацкiм кiраўнiком тэатра Валянцiнам Елiзар’евым Юрый Вiктаравiч пазнаёмiўся на адным з мiжнародных конкурсаў.

— Я ў захапленнi ад усяго, што ўбачыў у беларускiм тэатры балета, — распавядае Юрый Пузакоў. — З таленавiтымi, высокапрафесiйнымi артыстамi працаваць адно задавальненне. Я ўдзячны лёсу, што маю магчымасць працаваць з гэтым калектывам. Чулыя адносiны кiраўнiцтва тэатра, працавiтасць i руплiвасць артыстаў, нармальная творчая атмасфера, упэўнены, дадуць выдатныя вынiкi.

Над партыяй галоўнай гераiнi працуюць вядучыя салiсткi тэатра Кацярына Борчанка i Вольга Гайко. Абедзве настолькi яркiя i самабытныя, што па сёння не вырашана, хто з iх будзе танцаваць першы прэм’ерны спектакль. Будуць цягнуць жэрабя. У спектаклi будуць заняты Марына Вежнавец, Людмiла Кудраўцава, Iгар Артамонаў, Юрый Кавалёў, Антон Краўчанка, Пётр Борчанка, Дзянiс Клiмук i Мiкалай Радзюш.