Главная
Гороскопы
У Беларусi плануецца стварыць спецыялiзаваны спартыўны тэлеканал
БЕЛТА
Сродкам масавай iнфармацыi Беларусi цалкам пад сiлу роля лакаматыва ў справе рэалiзацыi дзяржаўнага прыярытэта — выхавання здаровай i моцнай нацыi. Аб гэтым заявiў мiнiстр iнфармацыi Уладзiмiр Русакевiч, якi прыняў удзел у мiжнародным прэс-семiнары «Спорт i здароўе — аснова стваральнай палiтыкi беларускай i Саюзнай дзяржавы», што праходзiць у рэспублiканскiм гарналыжным цэнтры «Сiлiчы».
Паводле яго слоў, друкаваная прэса i электронныя СМI рэспублiкi могуць i павiнны стварыць у грамадстве атмасферу прэстыжнасцi спартыўнага, актыўнага ладу жыцця. Такое развiццё падзей, перакананы мiнiстр, магчымае толькi ў выпадку карэннага перагляду насельнiцтвам адносiнаў да свайго здароўя. Уладзiмiр Русакевiч паведамiў, што ў мэтах актывiзацыi асвятлення тэмы здаровага ладу жыцця i прапаганды развiцця фiзiчнай культуры Мiнiстэрствам iнфармацыi было арганiзавана правядзенне рэспублiканскай iнфармацыйнай акцыi «Беларусь — за здаровы лад жыцця», якая прайшла ў розных рэгiёнах краiны. У цэлым штомесячны сумарны аб’ём спартыўнага вяшчання на двух каналах Белтэлерадыёкампанii складае да 55 гадзiн, што адпавядае паказчыкам вядучых неспецыялiзаваных еўрапейскiх тэлеканалаў. Разам з тым Уладзiмiр Русакевiч паведамiў аб планах стварэння ў рэспублiцы спецыялiзаванага спартыўнага тэлеканала.
Чтобы разместить новость на сайте или в блоге скопируйте код:
На вашем ресурсе это будет выглядеть так
Сродкам масавай iнфармацыi Беларусi цалкам пад сiлу роля лакаматыва ў справе рэалiзацыi дзяржаўнага прыярытэта — выхавання здаровай i моцнай нацыi
|
|