Мiкалай Дамашкевiч — «Выдатнiк адукацыi»

Источник материала:

— Дасягненнi Мiншчыны ў развiццi адукацыi значныя. У апошнiя гады вобласць займае вядучае месца ў краiне па ўзроўню дашкольнага выхавання, развiццю здольнасцяў вучняў школы. Перамогi на рэспублiканскiх i мiжнародных алiмпiядах — лепшае сведчанне той працы, якая вядзецца аблвыканкамам, — падкрэслiў Казiмiр Фарыно.

Паводле слоў Казiмiра Фарыно, у вобласцi актыўна ўкараняюцца тэхналогii па ахове здароўя вучняў: «Калi па ўсёй краiне сярэдняя колькасць пропускаў заняткаў па прычыне хваробы складае адзiнаццаць дзён, то ў Мiнскай вобласцi толькi шэсць. Ёсць i такiя ўстановы адукацыi, дзе вучнi не хварэюць наогул.»

Яшчэ адно дасягненне — выкарыстанне iнтэграванага навучання. «Нiводная дзяржава СНД i нават многiя заходнiя краiны не маюць заканадаўства аб арганiзацыi навучання дзяцей з асаблiвасцямi псiхафiзiчнага развiцця, — гаворыць Казiмiр Фарыно. — Мы ганарымся, што ў Беларусi такi закон ёсць. У Мiнскай вобласцi ў iнтэграваных класах школ i iнтэрнатаў дзецi атрымлiваюць сучасныя, якасныя веды ад прафесiйных педагогаў i выхавацеляў».

— З’явiўся новы вiд навучання — дзiцячы сад на даму. З вялiкай радасцю таксама магу паведамiць, што ахоп дашкольнага навучання дзяцей сельскай мясцовасцi на пяць працэнтаў перавышае рэспублiканскi ўзровень, — падкрэслiвае Казiмiр Фарыно.