«Упачатку было Слова, i слова было ад Бога...»

Источник материала:

Нам, як быццам, у званы яшчэ бiць зарана, але...

Госцi нашай краiны пастаянна пытаюць, чаму ў нас не гавораць па-беларуску? Тлумачу, расказваю шматпакутную гiсторыю сваёй роднай мовы. Пра сябе ж зазначаю, што ў большасцi — гаворым мы на «трасянцы». Трасянка — у прамым значэннi — стрэсенае сена з саломай, якое iдзе на корм жывёле, калi лепшага ўжо няма. У нас ёсць, але...

У кiёску трэцяга дня хацеў купiць газету «Культура». Кiяскёрша тут жа папярэдзiла: «Она по-белоруски!». Як быццам па-беларуску — гэта не па-людску...

Што сапраўды мо так, дык назвы — кшталту «Чаровнiца», «Бульбочка», «Полешук»...

...Так, на першай дзяржаўнай гавораць нямногiя. Мова ж без ужытку асуджаная — спачатку на заняпад, потым — на забыццё, а ў ёй жа, як занатавана ў Свяшчэнным пiсаннi, «жыццё i смерць народа».

«Не пакiдайце ж мовы нашай беларускай, каб не ўмёрлi!» — перасцерагаў першы класiчны нацыянальны паэт Беларусi Францiшак Багушэвiч. Сваiх прарокаў мы слухаем рэдка.

Але ж гэта — не той выпадак, каб не пачуць.

Кастусь КАРНЯЛЮК,

Вiцебск.