«Чорная мiсiя» белага лебедзя

Источник материала:

Апошнi трывожны сiгнал прыйшоў днямi з Францыi, дзе наяўнасць вiруса H5N1 была пацверджана ў мёртвай дзiкай качкi. У раёне знаходжання загiнуўшай птушкi ўстаноўлена трохкiламетровая каранцінная зона, а ў радыусе 10 кiламетраў — зона назiрання. Акрамя таго ўладамi было прынята рашэнне аб пераводзе ўсёй хатняй птушкi ў закрытыя вальеры. Францыя — буйнейшы пастаўшчык птушынага мяса ў Еўропе, таму каранцін у гэтай краiне будзе асаблiва строгiм.

Трывожныя звесткi прыйшлi таксама з Iндыi i Егiпту, дзе былi зафiксаваныя масавыя выпадкi гiбелi птушак. Егiпецкiя ўлады вымушаны былi зачынiць для наведвальнiкаў дзверы Каiрскага заапарка i яшчэ сямi заапаркаў на тэрыторыi краiны. Справа ў тым, што вiрус H5N1 знайшоў ахвяр у тым лiку i сярод «жыхароў» Каiрскага заапарку, таму там былi знiшчаны 563 птушкi i высушаны ўсе вадаёмы.

Тым часам новы ачаг птушынага грыпу зафiксаваны ў Расiйскай Федэрацыi. У Дагестане на дзвюх фермах загiнула ўсё птушынае пагалоўе. Расiйскiя эпiдэмiёлагi папярэджваюць, што праз два тыднi, калi пачнецца масавая мiграцыя птушак з поўдня, сiтуацыя на тэрыторыi краiны можа рэзка абвастрыцца.

Нагадаем, што ў Беларусi з 1 сакавiка пачне дзейнiчаць забарона на выгульнае ўтрыманне хатняй птушкi — яе трэба будзе трымаць або ў межах уласнага падворку, або ў закрытых памяшканнях.

Асаблiва гэта датычыцца тых населеных пунктаў, што знаходзяцца ў трохкiламетровай зоне ад вадаёмаў i рэк. Работнiкi ветэрынарных службаў павiнны да 25 лютага заключыць з гаспадарамi падворкаў адпаведныя дагаворы...