Хроніка апошніх падзей

Источник материала:

Учора ў 5:20 ранiцы ў Маскве адбылося абрушэнне рынка па вулiцы Баўманская, д. 47/1. Агульная плошча абрушэння склала 13 тысяч квадратных метраў.

Нягледзячы на такi раннi час, у вынiку аварыi пацярпелi людзi. Згодна з паведамленнямi праваахоўных органаў расiйскай сталiцы, загiнулi 47 чалавек, каля 30 атрымалi сур’ёзныя раненнi: пераломы, чэрапна-мазгавыя траўмы. На момант напiсання iнфармацыi, пад заваламi заставалiся каля 40 чалавек. Ад некаторых з iх паступалi званкi з мабiльных тэлефонаў. Сiтуацыя ўскладнялася тым, што ў вынiку пашкоджання водаправода i ацяпляльнай сiстэмы пад развалiны ў падвальныя памяшканнi, дзе таксама маглi знаходзiцца людзi, паступала вада. Каб не даць замерзнуць тым, хто заставаўся пад руiнамi, выратавальнiкi ўстанавiлi цеплавыя пушкi. Разбуранымi канструкцыямi прыдавiла таксама 25 прыпаркаваных побач з рынкам аўтамабiляў, у якiх таксама знаходзiлiся людзi. На месцы трагедыi працавалi больш за 500 выратавальнiкаў.

Паводле папярэдняй версii, прычынай трагедыi стаў моцны снегапад. «Можна ўпэўнена сказаць, што абрушэнне даха рынка ў Маскве — не тэракт», — заявiў журналiстам сталiчны мэр Юрый Лужкоў. Ён прытрымлiваецца версii, што прычынай трагедыi стаў снег. «Дах не павiнен быў ачышчацца ад снегу, бо там быў адкрыты пастаянны сцёк. Спецыяльных патрабаванняў для ачысткi такiх дахаў не прадугледжана», — сказаў мэр.

БОЛЬШАСЦЬ АМЕРЫКАНЦАЎ НЕ ЗАДАВОЛЕНЫ: IХ ПРЭЗIДЭНТА НЕ ПАВАЖАЮЦЬ

Большасць амерыканцаў не задаволены месцам ЗША ў свеце i лiчаць, што сусветныя лiдары не паважаюць прэзiдэнта Джорджа Буша.

Сiтуацыя пачала пагаршацца з 2003 года. Зараз пазiцыi ЗША на сусветнай арэне высока ацэньваюць толькi 43 працэнты апытаных, 59 працэнтаў — прытрымлiваюцца процiлеглага меркавання. У 2002 годзе 79% амерыканцаў лiчылi, што ў ЗША добрая рэпутацыя сярод жыхароў iншых краiн свету. Сёння гэты паказчык упаў да 48 працэнтаў. Значна зменшылася колькасць i тых, хто перакананы, што ЗША здольны паспяхова вырашаць мiжнародныя праблемы: у 2002 годзе такiх было 81 працэнт, сёння — толькi 59 працэнтаў. На 2002 год прыйшоўся i пiк мiжнароднага аўтарытэта Джорджа Буша. Тады 75 працэнтаў жыхароў ЗША лiчылi, што ён карыстаецца вялiкiм уплывам i павагай сярод лiдараў замежных дзяржаў. Зараз толькi 33 працэнты амерыканцаў лiчаць высокiм мiжнародны аўтарытэт Буша.

САВЕЦКI ШЭРЛАК ХОЛМС СТАЎ КАВАЛЕРАМ ОРДЭНА БРЫТАНСКАЙ IМПЕРЫI

Каралева Вялiкабрытанii Елiзавета II прыняла рашэнне ўзнагародзiць ганаровым званнем кавалера Ордэна Брытанскай iмперыi расiйскага акцёра Васiля Лiванава, якi сыграў ролю Шэрлака Холмса ў папулярным расiйскiм тэлесерыяле па творах Артура Конан Дойла.

Пра гэта паведамiў кiраўнiк брытанскай дыпмiсii ў РФ Тонi Брэнтан. Ён назваў Лiванава адным з лепшых акцёраў, якiя ўвасобiлi вобраз знакамiтага лонданскага сышчыка.