Сяргей СУШКО, намеснiк мiнiстра жыллёва-камунальнай гаспадаркi:

Источник материала:

Ацяпляльны сезон праходзiць у нармальным рэжыме. Як адзначыў намеснiк мiнiстра жыллёва-камунальнай гаспадаркi Сяргей Сушко, прадпрыемствы галiны поўнасцю забяспечаны ўсiмi вiдамi палiва. Паводле падлiкаў, запасаў «гаручага» хопiць да канца ацяпляльнага сезона (звычайна батарэi «замярзаюць» дзесьцi напрыканцы красавiка—у пачатку мая, калi сярэднясутачная тэмпература паветра перавышае восем градусаў).

На абслугоўваннi камунальнікаў зараз знаходзiцца больш чым 1,7 мiльёна дамоў. 18,3 працэнта жылля знаходзiцца ў дзяржаўнай уласнасцi, астанiя — у прыватнай. Аднак тэхнiчнае абслугоўванне жылля ў пераважнай большасцi ажыццяўляюць «традыцыйныя» ЖЭСы. Недзяржаўныя арганiзацыi працуюць толькi ў 98 дамах, а таварыствы ўласнiкаў жылля створаны ў 248.

Налiчэннi па аплаце за кватэру жыхарам робяцца па тарыфах, якiя былi ўстаноўлены яшчэ летась. Як паведамiў Сяргей Сушко, павышэння расцэнак сёлета не адбывалася. Зараз сярэднi памер аплаты за стандартную аднапакаёвую кватэру (агульнай плошчай 48 квадратных метраў з трыма жыхарамi) за ўвесь набор паслуг складае каля 100 тысяч рублёў. Паводле iнфармацыi Сяргея Сушко, на камунальныя плацяжы прыпадае да 11 працэнтаў даходу беларускай сям’i. Сярэднi ўзровень вяртання жыхарамi затрат на аказанне жыллёва-камунальных паслуг у сярэднiм складае 47,9 працэнта (47,2 працэнта ў ацяпляльны перыяд i 48,5 — у летнi). За тэхнiчнае абслугоўванне насельнiцтва плацiць 43,6 працэнта ад сабекошту, за цяпло — 46,1, за халодную ваду — 51, за каналiзацыю — 31,2, за вываз i абясшкоджванне цвёрдых бытавых адходаў — больш чым 60 працэнтаў.

«5-доларавае абмежаванне росту камунальных тарыфаў захаваецца i сёлета, — адзначыў Сяргей Сушко. — Павелiчэнне ўзроўню аплаты заўсёды суадносiцца з павышэннем заробкаў. Мы не ставiм за мэту ў блiжэйшы час выйсцi на 100-працэнтны ўзровень вяртання жыхарамi затрат на аказанне паслуг. Паводле нашых падлiкаў, гэта павiнна адбыцца не раней чым у 2015 годзе».