Станоўчая дынамiка саюзнага будаўнiцтва

Источник материала:

Апошнiм часам дзейнасць саюзных структур набыла большую дынамiку. Значна хутчэй чым папярэднi быў прыняты саюзны бюджэт на 2006 год. Вось i першае ў гэтым годзе пасяджэнне саюзнага Саўмiна закончылася амаль на паўгадзiны раней запланаванага тэрмiну. На думку М. Фрадкова, пасяджэнне было добра падрыхтавана, а таму прайшло аператыўна. Былi разгледжаны 15 важных пытанняў па саюзнаму будаўнiцтву. М. Фрадкоў канстатаваў, што яно iдзе з добрай дынамiкай.

Цяперашняе пасяджэнне Саўмiна, на погляд кiраўнiкоў урадаў, мела свае асаблiвасцi. Як адзначыў С. Сiдорскi, сустрэча прайшла напярэдаднi святкавання 10-годдзя з дня пачатку стварэння Саюзнай дзяржавы. З гэтай нагоды абодва прэм’еры ў час пасяджэння канстатавалi, што за мiнулы перыяд больш чым у тры разы ўзрос гандлёвы абарот памiж Беларуссю i Расiяй.

На погляд М. Фрадкова, асаблiвасць дадзенай сустрэчы ў тым, што пасяджэнне адбылося перад важнай палiтычнай падзеяй — выбарамi прэзiдэнта Беларусi. Ён выказаў надзею, што выбар народа дасць магчымасць i надалей умацоўваць адносiны памiж дзвюма краiнамi ў розных сферах.

Важным вынiкам работы пасяджэння стала зацвярджэнне палiў-на-энергетычнага баланса Саюзнай дзяржавы на перыяд да 2020 года. Быў прыняты план сумесных дзеянняў на мiжнароднай арэне. Таксама былi абмеркаваны пытаннi паставак энерганосьбiтаў у нашу краiну. Размова iшла i аб удасканаленнi транспартнай iн- фраструктуры. Неабходныя даручэннi былi дадзены адпаведным мiнiстэрствам Расii i Беларусi.

Улiчваючы, якую сур’ёзную небяспеку нясе народам Расii i Беларусi тэрарызм, транснацыянальная злачыннасць i наркаманiя, быў разгледжаны комплекс мераў на блiжэйшыя гады па барацьбе з гэтым злом.

Але эканамiчны блок пытанняў, зразумела, быў у цэнтры ўвагi. Так, паводле слоў С. Сiдорскага i М. Фрадкова, былi грунтоўна разгледжаны шляхi павелiчэння гандлёвага абароту. Рэзервы тут немалыя. Аб гэтым сведчыць красамоўны факт росту ў студзенi гэтага года ўзаемнага гандлю на 45 працэнтаў у параўнаннi са студзенем 2005 года. Кiраўнiк расiйскага ўрада выказаў надзею, што гэта тэндэнцыя захаваецца. Праўда, ён адзначыў, што пэўныя негатыўныя праблемы ў гандлёвыя адносiны ўнеслi змены з аплатай падатку на дабаўленую вартасць (ПДВ), што адмоўна паўплывала на тэмпы росту гандлю. Яны нават знiзiлiся летась, хоць у фiзiчным вымярэннi аб’ёмы гандлю засталiся на ранейшым узроўнi. Тым не менш, сёлета ёсць усе шанцы выправiць сiтуацыю.

Гэтаму ў многiм будуць садзейнiчаць iстотныя зрухi ў развiццi супрацоўнiцтва ў мытнай сферы. Як паведамiў С. Сiдорскi, партнёры ўшчыльную наблiзiлiся да адмены мытнага кантролю i афармлення тавараў у трэцiя краiны на беларуска-расiйскай мяжы i завяршэння работы па стварэнню паўнацэннага мытнага саюза.