Яшчэ не прафесiяналы, але ўжо — майстры!

Источник материала:

Наш фармат

Трэба зазначыць, што ў Санкт-Пецярбург з’ехалiся каманды з 57 гарадоў краiн як блiзкага, так i далёкага замежжа. Але каманда Мiнскага дзяржаўнага тэхналагiчнага каледжа сярод iх не згубiлася i заняла на чэмпiянаце ганаровае другое месца. Навучэнцы спаборнiчалi ў намiнацыях «Нявеста ў стыле «дэкаданс», «Фантазiйная работа», «Трыумф нявест», «Модны вобраз», «Салонная стрыжка i прычоска», «Высокая прычоска» i iншых. Работы навучэнцаў былi адзначаны кубкамi, медалямi i дыпломамi розных ступеняў.

Акрамя таго навучэнка каледжа Настасся Яткова ўзяла ўдзел i ў конкурсе сярод майстроў-прафесiяналаў. Па суме балаў у агульным залiку (а ўсяго спаборнiчалi 1800 чалавек) яна заняла другое месца i была ўзнагароджана Кубкам i Ганаровым дыпломам «За волю да перамогi».

Надзея НIКАЛАЕВА.

ЖАНОЧЫ ФУТБОЛ — НАПЕРАД!

У сталiчным футбольнам манежы на праспекце Пераможцаў стартаваў першы Мiжнародны турнiр па футболу сярод жаночых каманд на прызы Беларускага дзяржаўнага унiверсiтэта.

У турнiры прымае ўдзел унiверсiтэцкая жаночая футбольная каманда «Зорка-БДУ». Цырымонiя адкрыцця прайшла з удзелам вiцэ-прэзiдэнта Беларускай асацыяцыi футбола Сяргея Сафар’яна i рэктара Беларускага дзяржаўнага унiверсiтэта Васiля Стражава. Акрамя беларусаў, у спаборнiцтвах прымаюць удзел каманды з Польшчы, Лiтвы, Украiны.

Спартыўнае свята завершыцца 10 сакавiка. Дзяўчат чакаюць прызы ў намiнацыях «Лепшы варатар», «Лепшы нападаючы», «Лепшы абаронца», «Лепшы паўабаронца».

Дзмiтрый АЛЬФЕР.

ЗМАГАЕМСЯ ЗА «ЗАЛАТУЮ ШАЙБУ»

Урачыстае адкрыццё фiнальных спаборнiцтваў па хакею сярод дзяцей i падлеткаў «Залатая шайба» на прызы прэзiдэнта Беларусi адбылося ўчора ў Крытым катку сталiчнага парку iмя Горкага.

Як паведамiла загадчыца аддзела спартыўных i патрыятычных праграм Цэнтральнага камiтэта БРСМ Iрына Косцiкава, у адкрыццi ўдзельнiчалi каманды малодшай i старэйшай узроставых груп, якiя атрымалi перамогу ў абласных спаборнiцтвах i выйшлi ў фiнал, а таксама госцi турнiру, прызёры ўсерасiйскiх спаборнiцтваў «Залатая шайба».

У мерапрыемстве ўзялi ўдзел мiнiстр спорту i турызму рэспублiкi Аляксандр Грыгараў, першы сакратар ЦК БРСМ, дэпутат Палаты прадстаўнiкоў Нацыянальнага сходу Мiхаiл Орда, старшыня аргкамiтэта спаборнiцтваў, сакратар ЦК БРСМ Аляксандр Далжэўскi.

Нагадаем, арганiзатарамi спаборнiцтваў выступаюць мiнiстэрствы спорту i турызму, адукацыi, БРСМ, Беларускi фонд сацыяльнай падтрымкi дзяцей i падлеткаў «Мы — дзецям», Беларуская федэрацыя хакею, грамадскае аб’яднанне «Дзiцяча-юнацкi клуб па хакею «Залатая шайба».

Андрэй ШМЫГIН, БЕЛТА.

КАМФОРТ СПРЫЯЕ ВУЧОБЕ

Два новыя камп’ютарныя класы-медыатэкi ўрачыста адкрыюцца сёння ў вучэбных карпусах геаграфiчнага i гуманiтарнага факультэтаў Белдзяржунiверсiтэта.

Такiм чынам у БДУ працягваецца праца па стварэнню умоў для самастойнай працы i вучобы студэнтаў. Трэба зазначыць, што медыатэка — гэта не проста камп’ютарны клас.

Па-першае, дзякуючы ёй у студэнтаў з’яўляецца магчымасць карыстацца электроннымi iнфармацыйнымi рэсурсамi фундаментальнай бiблiятэкi i Iнтэрнэта.

Па-другое, яны атрымлiваць доступ да аўтаматызаванай iнфармацыйнай сiстэмы «eUniversity».

Студэнты могуць правяраць свае веды з дапамогай камп’ютарнага тэсцiравання, выкарыстоўваць навучальныя камп’ютарныя праграмы па замежных мовах, атрымлiваць традыцыйныя цi электронныя копii патрэбных iм дакументаў.

Прасторныя аўдыторыi аснашчаны сучаснымi камп’ютарамi, прынтарамi, сканiруючымi i капiравальнымi апаратамi. А працаваць там могуць адначасова больш чым сто чалавек.

Надзея НIКАЛАЕВА.