«Еўропа i ЗША вызначылi пераможцу яшчэ да галасавання»

Источник материала:

«Цi можаце вы ўявiць, што еўрапейскi лiдар, пры якiм рэальныя прыбыткi насельнiцтва растуць ужо некалькi гадоў запар, i за апошнi год выраслi на 24 працэнты, пацярпеў паражэнне на выбарах? Пры гэтым ён яшчэ скарацiў ПДВ, утаймаваў iнфляцыю, за сем гадоў удвая скарацiў колькасць грамадзян, якiя жывуць за рысай беднасцi, i пазбегнуў сацыяльных выбухаў з дапамогай самага справядлiвага ў рэгiёне размеркавання прыбыткаў?», — задаўся пытаннем журналiст. I сам жа адмоўна адказаў на яго.

На думку аўтара, у той час як Расiя не ўмешваецца ў прэзiдэнцкую кампанiю ў Беларусi, Еўропа i ЗША «ўлiваюць у яе грошы». «Вядзецца каласальная кампанiя ўмяшальнiцтва ў беларускiя выбары з боку замежных урадаў — кампанiя нават больш сумнiўная, чым тая, што была ва Украiне ў 2004 годзе», — лiчыць Сцiл. Джонатан Сцiл у 1996 годзе быў назiральнiкам на канстытуцыйным рэферэндуме ў Беларусi ад Еўрапейскага iнстытута СМI. Са сваiх размоў з жыхарамi нашай краiны ён зрабiў выснову, што iх меркаванне адрознiваецца ад той «аднабаковай карцiны, якую з нарастаючым iрвеннем малююць заходнiя ўрады i СМI».

ВЫБАРЫ АБЫДУЦЦА УКРАIНЕ Ў $ 10 МЛРД

Маючыя адбыцца парламенцкiя выбары ва Украiне стануць самымi дарагiмi ва ўкраiнскай гiсторыi. Дзелавое выданне «ИнвестГазета» сцвярджае, што выдаткаваная на перадвыбарную кампанiю сума складзе «дзве «Крыварожсталi».

Пытанне перамогi на выбарах для многiх палiтыкаў i прадпрымальнiкаў стала раўназначным праблеме палiтычнага выжывання. Кiраўнiк уплывовай украiнскай грамадскай арганiзацыi «Камiтэт выбаршчыкаў Украiны» Iгар Папоў яшчэ некалькi месяцаў таму заяўляў, што ва Украiне пачаўся «беспрэцэдэнтны гандаль месцамi ў партыйных спiсах». «Да кiраўнiкоў партый едуць «ганцы» з рэгiёнаў з чамаданамi грошай», — сказаў Папоў. Паводле яго слоў, ужо мiнулай восенню абмеркаванне неафiцыйнай цаны прахаднога месца ў спiсе партый i блокаў пачыналася з сумы ў 2 мiльёны долараў. Iльвiная доля ценявых грошай усё ж прайшла праз партыйныя касы. Гэта адбiлася на кошце палiтычнай вонкавай i тэлерэкламы, якая ў параўнаннi з мiнулымi прэзiдэнцкiмi выбарамi падаражэла больш як удвая. Але эксперты папярэджваюць, што «залаты дождж» у краiне скончыцца адразу пасля выбараў. Кiраўнiк савета Нацбанка Украiны Валерый Геец нават заявiў аб наблiжэннi фiнансавага крызiсу, выклiканага перадвыбарнай дэстабiлiзацыяй i фiнансава неапраўданай сацыяльнай актыўнасцю ўрада.

ЛЯЛЬКА НАВУЧЫЛА... МАЦЮКАЦЦА

На дзень нараджэння чатырохгадовай Алiсii Белс бацькi падарылi ляльку Розi, якая ўмее спяваць, вытворчасцi кампанii Character Options.

Якiм жа было здзiўленне дарослых, калi дзяўчынка, пагуляўшы з лялькай, пачала спяваць вядомую дзiцячую песню, замяняючы некаторыя словы на грубую лаянку. Высветлiлася, што фрывольныя выразы Алiсiя засвоiла «пад кiраўнiцтвам» спяваючай Розi. Прычыны iнцыдэнта высвятляюцца. Усяго ў Вялiкабрытанii было прададзена 300 тысяч такiх лялек. Прадстаўнiкi кампанii заявiлi, што гатовыя вярнуць грошы ўсiм клiентам, у якiх узнiклi падобныя праблемы.